Hramadstva1414

Machlary sabrali piersanalnyja źviestki tysiač biełarusaŭ zamiežža. Jak tak atrymałasia i pryčym tut pašpart Novaj Biełarusi?

Na tematyčnych chakierskich forumach źjaviłasia baza «Pašpart Novaj Biełarusi», u jakoj nibyta jość źviestki bolš čym pra 8 tysiačaŭ biełarusaŭ zamiežža. Daviedalisia, jak mahli być sabranyja hetyja źviestki.

Papiaredni dyzajn «Pašparta Novaj Biełarusi». Fota: belarus-passport.com

My pravieryli danyja ludziej z probnaj častki śpisu — takija ludzi prynamsi isnujuć. Z adnym ź ich my źviazalisia, kab vyśvietlić, jak tak atrymałasia.

Mužčyna raskazaŭ, što adnojčy trapiŭ u fejsbuku na staronku «Nacyjanalny pašpart Respubliki Biełaruś», jakaja aktyŭna rekłamavałasia ŭ sacyjalnaj sietcy. U dopisaŭ było šmat repostaŭ i łajkaŭ. Imavierna, častka ź ich byli kuplenyja, ale častka była ad realnych ludziej.

Na staroncy było malaŭničaje apisańnie niejmaviernych pierśpiektyvaŭ, jakija daść pašpart Novaj Biełarusi.

Jana viała na sajt, dzie prapanavałasia dać svaje źviestki: poŭnyja imia i proźvišča, krainu pražyvańnia, adras u hetaj krainie i adras prapiski, imiony svajakoŭ, jakija taksama chočuć pašpart, i pryčynu vydačy pašparta.

Čałaviek, ź jakim my hutaryli, skazaŭ, što sajt i staronka ŭ fejsbuku byli zroblenyja vielmi jakasna i praŭdapadobna.

Ciapier usie hetyja resursy vydalenyja.

Namieśnik Śviatłany Cichanoŭskaj pa mižnarodnych spravach Valer Kavaleŭski raskazaŭ nam, što Pierachodny kabiniet i inšyja supolnaści demakratyčnych siłaŭ nie majuć dačynieńnia da toj staronki. I tym bolš nie vykarystoŭvajuć nazvu «Respublika Biełaruś» u svaich prajektach.

Parady pa tym, jak abaranicca, siońnia čytačam «Našaj Nivy» daŭ Valer Kavaleŭski:

«Pa-pieršaje, sačycie tolki za aficyjnymi sacyjalnymi sietkami Pierachodnaha kabinieta i Ofisa Śviatłany Cichanoŭskaj. Kali my sapraŭdy pačniem apytańnie, to budzie i videa, i tekstavaje supravadžeńnie, i heta budzie adnačasova na ŭsich našych aficyjnych resursach.

Pa-druhoje, my nikoli nie budziem patrabavać piersanalnyja źviestki biełarusaŭ padčas apytańnia. To-bok u ankiecie nie buduć pytacca ni imia ci proźvišča, ni datu naradžeńnia, ni fota ci adrasy biełarusaŭ. Heta budzie infarmacyja pra krainu žycharstva i patreby siamji čałavieka, a taksama pryčyny atrymańnia pašpartu».

Pradaŭcy śćviardžajuć, što sabrali źviestki bolš za vaśmi z pałovaj tysiačaŭ biełarusaŭ zamiežža. Jany sprabujuć pradać bazu za $5 tysiač.

Pra sproby sabrać źviestki takim čynam paviedamlałasia i raniej, ale dahetul niezrazumieła, chto za imi staić. Heta moža być pracaj abo śpiecsłužbaŭ, abo prafiesijnych machlaroŭ. Machlary časta stvarajuć padrobki aficyjnych sajtaŭ ustanovaŭ i prajektaŭ, kab źbirać danyja ludziej.

«Naša Niva» — bastyjon biełaruščyny

PADTRYMAĆ

Kamientary14

  • Praŭdarub
    28.03.2024
    Da jakoj vysnovy možna tut pryjści?
    Za miažoj žyvie 8+ tysiač biestałkovych biełarusaŭ-zmaharoŭ
  • Satan
    28.03.2024
    Ja odnoho nie pojmu... hdie oni vsio eto nachodiat bleať?! Sižu i v fb, i v th... ždu, ždu, ždu... koho by matom posłať i poizdievaťsia, užie ciełyje ścienarii pridumał. No nikto nie pišiet, nikto fiejki nie šlet, a iz riekłamy v fb koncierty da buchło. Nikomu ja nie nužon, hrusť, pičal, odinočiestvo.
  • Amatar
    28.03.2024
    Satan, taja ž chiernia. Zusim sumnaje žyćcio. Tolki hišpanskaje vino trochu raduje.

Zamach na Donalda Trampa: u jaho stralali ŭ čas vystupu ŭ Piensilvanii34

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

Papularny polski treveł-błohier raskazaŭ pra svaju pajezdku ŭ Biełaruś i daŭ parady20

U minskaj kramie znajšli pradukt, jaki kaštuje 12 tysiač rubloŭ za kiłahram. Jon zapakavany ŭ boks suprać kradziažu

Bujnyja donary-demakraty źbirajucca zamarozić 90 miljonaŭ dalaraŭ unioskaŭ na kampaniju Bajdena1

«Pačuj mianie. Ty — mudak». Prapahandyst Kazakoŭ u žyvym efiry daŭ majstar-kłas zavočnaj palemiki16

U Salihorskim rajonie znajšli vusienia vielmi redkaha matylka. Čamu my tak redka jaho bačym?3

Što adbyvajecca na miažy z Polščaj pierad vychodnymi

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii34

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →