Sport

Jašče adzin biełarus adpraviŭsia za akijan skarać NCHŁ

Biełaruski hałkipier Alaksiej Kołasaŭ moža stać 16-m biełarusam u najmacniejšaj chakiejnaj lizie śvietu.

Fota: hcdinamo.by

Hałkipier zbornaj Biełarusi Alaksiej Kołasaŭ, jaki pa vynikach siezona byŭ pryznany najlepšym bramnikam u składzie «zubroŭ», a taksama atrymaŭ uznaharodu najlepšaha hulca, vyrašyŭ praciahnuć karjeru ŭ samaj mocnaj chakiejnaj lizie śvietu, piša Tochka.by.

22-hadovy biełarus, jaki padpisaŭ u minułym hodzie trochhadovy kantrakt z «Fiładelfijaj» u siezonie-2023/24 byŭ asnoŭnym bramnikam «Dynama». U «rehularcy» jon pravioŭ 47 matčaŭ pry 90,7% adbitych kidkach i kaeficyjencie nadziejnaści 2,39.

Na rachunku Alaksieja čatyry «suchija» matčy (vośmy pakazčyk u KCHŁ), akramia taho jon pravioŭ šeść hulniaŭ u płej-of, adbiŭšy 92,5% kidkoŭ pry kaeficyjencie nadziejnaści 2,21.

Minskaje «Dynama padziakavała Kołasavu za hulniu: «Dziakuj za mahutny siezon, Locha! Žadajem pośpiechu ŭ «Fiładelfii»».

Ale kali «zubry» siezon užo zaviaršyli, to Alaksiej praciahnie jaho ŭ sistemie «Fiładelfii Fłajierz».

Mienavita tak, u sistemie, bo ŭ rekardsmiena «Dynama» pa pieramohach u KCHŁ (132 matčy i 52 viktoryi ŭ rehularnym siezonie) z «lotčykami» trochhadovy kantrakt pačatkoŭca, jaki miescy ŭ asnoŭnym składzie nie harantuje.

«Fiładelfija» abrała minčuka ŭ trecim raŭndzie draftu-2021 pad ahulnym 78-m numaram, a letaś ukłała pahadnieńnie z zarobkam $925 tysiač za siezon.

Hałkipier moža stać 16-m biełarusam u NCHŁ (vosieńniu minułaha hoda ŭ lizie debiutavaŭ Illa Sałaŭjoŭ) i piatym — u siezonie.

Čakajem debiutu Alaksieja i rekordu

Kali Kołasaŭ debiutuje, to stanie saaŭtaram biełaruskaha rekordu — nikoli jašče adrazu piać našych chakieistaŭ nie hulali ŭ Nacyjanalnaj chakiejnaj lizie adnačasova. Nu i nikoli nie było biełarusa-hałkipiera ŭ NCHŁ.

U hetym siezonie ŭ NCHŁ hulajuć Jahor Šaranhovič («Kałhary») i Alaksiej Protas («Vašynhton»), pravioŭ šeść hulniaŭ Illa Sałaŭjoŭ («Kałhary») i byŭ adpraŭleny ŭ farm-kłub, zhulaŭ adzin matč Uładzisłaŭ Kalačonak («Aryzona»).

Ciapier «Fłajierz» zmahajucca za trapleńnie ŭ płej-of. Kamanda na trecim miescy ŭ svaim dyvizijonie i siomym va Uschodniaj kanfierencyi. Da kanca rehularnaha čempijanatu «Fiładelfii» zastałosia pravieści dzieviać pajadynkaŭ.

U hetym siezonie ŭ składzie «Fiładelfii» adznačylisia ŭžo čatyry hałkipiery, ale jany nadta nie ŭražvajuć.

Zastajecca spadziavacca, što biełarus dapamoža «Fłajerz» prabicca ŭ płej-of ci chacia b zmoža paciaśnić vopytnych kankurentaŭ, a nie stanie atrymlivać praktyku ŭ farm-kłubie.

Kamientary

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna3

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Usie naviny →
Usie naviny

Kala miažy Polščy ź Biełaruśsiu ahresiŭnaja moładź atakavała polskich vajskoŭcaŭ VIDEA27

18-hadovaha chłopca z Bychava sudziać za «zdradu dziaržavie»9

U Biełarusi nie buduć reahavać na ŭviadzieńnie Łatvijaj zabarony ŭjezdu dla biełaruskich aŭtamabilaŭ3

U Hrodnie źbirajucca pravieści «svojeasablivy vals» BTR-aŭ1

Labiedźka: Biełaruskaja mova pavinna stać adzinaj dziaržaŭnaj. Ale treba zakłaści pierachodny pieryjad19

Dziakujučy ŭrahanu ŭ Homieli zrabili navukovaje adkryćcio3

Karbalevič: Minsk zahavaryŭ pa-inšamu, ale heta pakul tolki słovy, dziejańniaŭ minimum1

Što aznačajuć sihnały Łukašenki Polščy i Ukrainie?16

Łamin Jamal vypadkova pakazaŭ na VIDEA svaich hołych kalehaŭ4

bolš čytanych navin
bolš łajkanych navin

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna3

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Hałoŭnaje
Usie naviny →