Padatkovaja apublikavała poŭny śpis aŭto, za jakija pryjdziecca płacić padatki ŭ dziesiacirazovym pamiery
Ministerstva pa padatkach i zborach raskazała, kamu i kali treba budzie zapłacić transpartny padatak u dziesiacirazovym pamiery. Adpaviedny list Saviet Ministraŭ nakiravaŭ u padatkovyja orhany 14 sakavika.
Havorka idzie pra aŭtamabili, jakim nie bolš za try hady i jakija ŭklučanyja ŭ «pieralik padvyšanaj kamfortnaści». Poŭny śpis madelaŭ apublikavali na aficyjnym sajcie MPZ.
U śniežni 2023 hoda namieśnica ministra padatkaŭ i zboraŭ Eła Sialickaja zajaviła, što dla «ŭładalnikaŭ luksavych aŭtamabilaŭ pavialičvajucca staŭki transpartnaha padatku». Pry hetym termin ich ekspłuatacyi nie pavinien pieravyšać bolš za try hady z daty vypusku.
Kali ŭ śniežni minułaha hoda ŭ śpisie znachodzilisia 11 madelaŭ, to ciapier ich užo 17. U abnoŭleny pieralik uvajšli nastupnyja aŭtamabili pavyšanaj kamfortnaści:
U MPZ patłumačyli, što arhanizacyi-płacielščyki pavinny vypłacić avans za aŭto ŭ pamiery adnoj čaćviortaj hadavoj staŭki transpartnaha padatku: na 1 studzienia biahučaha hoda — za I kvartał; na 1 krasavika biahučaha hoda — za II kvartał; na 1 lipienia biahučaha hoda — za III kvartał.
Što tyčycca fizičnych asob, dla ich śpis aŭtamabilaŭ «padvyšanaj kamfortnaści» budzie takim ža, ale termin vypłaty praciahniecca da 15 listapada.
Staŭka transpartnaha padatku dla lehkavoha aŭtamabila z masaj ad 1 da 2 ton składaje 225 rubloŭ u hod, a dla takich ža aŭtamabilaŭ pavyšanaj kamfortnaści — 2250 rubloŭ.
Čytajcie taksama:
Biełaruskim taksistam zabaranili vykarystoŭvać svaje mašyny dla asabistych patreb
U ZŠA miljarderka zahinuła, vypadkova zajechaŭšy ŭ sažałku na mašynie Tesla
«Bieź ilhot!» U Biełarusi pačali pradavać mašyny, razmytnienyja admysłova dla pierahonu ŭ Rasiju
Kamientary