Irynie Sapryhinaj z Mazyra prysudzili abmiežavańnie voli i vyzvalili ŭ zale suda
15 lutaha sudździa Anatol Strelčanka prysudziŭ Irynie Sapryhinaj 2 hady i 7 miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu. Sapryhinu vyzvalili ŭ zali suda, piša «Homielskaja viasna».
Sudovyja pasiadžeńni prachodzili ŭ sudzie Mazyrskaha rajona. Žančynu sudzili pa častcy 1 artykuła 368 (abraza Łukašenki) Kryminalnaha kodeksa Biełarusi i art. 369 (abraza pradstaŭnika ŭłady).
Taksama zhodna z prysudam Iryna Sapryhina musić vypłacić štraf u pamiery 100 bazavych vieličyniaŭ.
Irynu Sapryhina zatrymali ŭ kastryčniku 2023 h. za kamientar u čacie ŭkrainskaha błohiera. U chodzie śledstva źjaviŭsia novy artykuł — ab abrazie pradstaŭnika ŭłady.
Doma ŭ Iryny Sapryhinaj praviali pieratrus. Spačatku žančyna znachodziłasia ŭ minskim CIP na vuł. Akreścina, paśla jaje pieraviali ŭ Žodzina. Doma ŭ jaje zastałasia 83-hadovaja maci — likvidatarka ČAES, jakaja maje invalidnaść druhoj hrupy. Nie źviartajučy ŭvahi na takija abstaviny, śledstva paličyła niemetazhodnym pakinuć žančynu na voli.
Minskamu biznesmienu Saŭryckamu i jahonaj siamji pahražaje pa 12 hadoŭ za «raspalvańnie varožaści»2
Kamientary