Pra heta jaje muž daviedaŭsia ad eks-źniavolenaj kałonii №24.
Aktyvistku Palinu Šarendu-Panasiuk u lutym źmiaščali ŭ ŠIZA. Vierahodna, na 20 sutak. Pra heta «Miedyjazonie» raskazaŭ muž źniavolenaj Andrej.
Pra toje, što aktyvistku źmiaščali ŭ ŠIZA, Šarenda daviedaŭsia ad eks-źniavolenaj kałonii №24.
«Ź jaje słovaŭ, Palina prabyła ŭ atradzie paśla karantynu prykładna 2-3 tydni. U kancy studzienia — pačatku lutaha jaje kinuli ŭ ŠIZA. U atradzie jana źjaviłasia tolki ŭ samym kancy lutaha, vyhladała vielmi blednaj i schudniełaj. Uvieś hety čas Palina była ŭ ŠIZA, imavierna 20 sutak. U pačatku sakavika Palina iznoŭ źnikła z atradu, ale kudy dakładna — nieviadoma», — raskazaŭ Andrej.
Palinu Šarendu-Panasiuk zatrymali ŭ studzieni 2021 hoda, sud prysudziŭ jaje da dvuch hadoŭ kałonii pavodle artykułaŭ pra abrazu Łukašenki, pradstaŭnika ŭłady i hvałt albo pahrozu hvałtam milicyjantu (artykuły 369, 368 i 364 KK).
Jana pavinna była vyjści na volu ŭ 2022 hodzie, adnak jaje asudzili pa artykule ab niepadparadkavańni administracyi kałonii (artykuł 411 KK) i dadali hod da terminu. Druhi raz rodnyja čakali Palinu na voli 6 žniŭnia 2023 hoda, adnak jaje znoŭ prysudzili da hoda kałonii pa tym ža artykule.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary