«Jak sapraŭdny cud na Kalady». Siamja atrymała paštoŭku ad Paliny Šarendy-Panasiuk
Radasnaj navinoju padzialiŭsia ŭ fejsbuku muž bieraściejskaj aktyvistki Andrej Šarenda. «Jak sapraŭdny cud na Kalady prabiłasia paštoŭka ad Paliny», — napisaŭ jon.
«Maje lubyja Słavamir i Stach! Heta mama, jakaja hvałtoŭna źnikła z vašaha žyćcia try hady tamu. Stała tumannaju plamaju, jak piša chto-nichto. Ale vy ŭvieś čas pierad maimi vačyma, na redkich fota, jakija praryvajucca da mianie praz usie pieraškody. Baču, jak vy vyraśli. Kožny dzień hladžu na vašyja zdymki i maru ŭbačyć uvačavidki, abniać, prytulić. Chłopcy! Ja vinšuju tatu i vas z Rastvom! Sustreńcie jaho hodna!
Dobra adpačyć na vakacyjach! Chrystos naradziŭsia! Słavim jaho!
Mama, XII. 2023», — havorycca ŭ vinšavalnaj paštoŭcy.
Bieraściejskuju aktyvistku Palinu Šarendu-Panasiuk zatrymali 3 studzienia 2021 hoda i asudzili na dva z pałovaj hady kałonii. Ale letam 2022 hoda na volu jana nie vyjšła. Spačatku joj dali hod pa artykule 411 (złosnaje niepadparadkavańnie patrabavańniam administracyi kałonii). Sioleta žančynu znoŭ nie vyzvalili, a dali jašče hod pa tym ža artykule.
U 2023 hodzie Palina Šarenda-Panasiuk stała pieramožcaj pravaabarončaj premii ŭ naminacyi «Pravaabarončaja salidarnaść hoda».
Bajpoł nazvaŭ imiony mahčymych zabojcaŭ Andreja Zielcara. I zajaviŭ, što siłavika «Nirvanu» zastreliŭ svoj ža6
Kamientary