«Novaja Biełaruś» abviaściła konkurs idej. Voś kudy biełarusam u emihracyi prapanujuć pieraličyć padatak

Letaś było sabrana blizu 47 000 jeŭra

U miniłym hodzie prajekt «Buduj svajo» byŭ aprabavany ŭpieršyniu. Jaho zapuścili na płatformie ličbavaha samakiravańnia «Novaja Biełaruś». 

Biełarusam z Polščy i Litvy prapanavali skinucca padatkami dla realizacyi idej-pieramožcaŭ admysłovaha konkursu.

Reč u tym, što ŭ hetych krainach častku padatka možna nakiravać tudy, kudy sam abiareš. U Litvie rasparadzicca možna 1,2 pracenta ad ahulnaj sumy dachodaŭ (vy ich spłačvajecie ŭ lubym razie), a ŭ Polščy — 1,5 pracenta. 

Letaś bolš za 265 biełarusaŭ u ramkach prajekta zadanacili blizu 47 000 jeŭra. Ich spačatku źbiralisia patracić na padtrymku Pałka Kalinoŭskaha, ale nacyjanalnaje zakanadaŭstva krain, jakija achoplivaŭ konkurs, nie dapuskaje zakup zbroi. Taki padatak možna puskać tolki na dabračynnaść i ŭ krainach, dzie jaho źbirali: Polščy i Litvy.

U sioletnim konkursie, jaki startavaŭ z sakavika, udzielničać mohuć biełarusy ź inšych krain. Dla ich na płatformie ŭviedzienaja opcyja «Global».

Za pieršy tydzień na konkurs było dasłana dva dziasiatki prajektaŭ.

Litva

Letaś u «litoŭskaj supołcy» pieramahła ideja stvareńnia «Čytalni». Biełaruskuju biblijateku ŭ Vilni prezientavali 24 studzienia 2024 hoda. Čytačam dastupna 3000 knih.

Sioleta ŭ supołcy pakul try idei.

Prapanujecca stvaryć «Prastoru dla tvorčaj samarealizacyi biełarusaŭ».

Placoŭka paspryjaje sacyjalnaj intehracyi biełarusaŭ u novaj krainie i daść mahčymaści dla ŭzajemadziejańnia ź miascovym nasielnictvam.

Pavialičyć

«Dziciačy kłub» zadumany, kab dzieci emihrantaŭ niekalki hadzin pabyli ŭ biełaruskamoŭnym asiarodździ.

Z hadavancami kłuba buduć pracavać biełaruskamoŭnyja śpiecyjalisty.

Inicyjatary zadumy «Anłajn-časopis dziciačych kazak» ličać, što jon pryvabić dziaciej da vyvučeńnia biełaruskaj movy i kultury.

Polšča

Letaś u skarbonku «polskaj supołki» było sabrana 28 500 jeŭra, a pieramožcam staŭ prajekt stvareńnia sajta pa historyi Biełarusi na anhlijskaj i biełaruskaj movach. 

Z-za niuansaŭ padatkovaha zakanadaŭstva Polščy srodki na jaho byli pieraličanyja tolki ŭ studzieni 2024 hodzie, tamu jon jašče znachodzicca na etapie zapusku.

Za pieršy tydzień sioletniaha konkursu supołka papoŭniłasia 11 idejami.

 «Kanśjerž-siervis pa pytańniach rełakacyi».

Aŭtary zapeŭnivajuć, što jon dapamoža suajčyńnikam uładkavać žyćcio ŭ emihracyi.

Stvareńnie «Dziciačaha kłuba».

Aŭtary ličać, što heta inicyjatyva sfarmuje biełaruskamoŭnaje asiarodździe dla dziaciej i dazvolić naładzić kamunikavańnie miž ich baćkami.

Pavialičyć

Ideja «Naš biaśpiečny kalektyŭny błoh».

Inicyjatary abiacajuć stvaryć dla biełaruskamoŭnych aŭtaraŭ kalektyŭnuju placoŭku z «ćviarozaj biaśpiekaj i maderacyjaj», kab jany «pisali svabodna». Pavodle aŭtaraŭ zadumy, takoj płatformy ciapier nie isnuje.

Ideja «GTA — Mensk City».

Jana praduhledžvaje stvareńnie 3D-madeli Minsku dla raznastajnych apieracyj.

Aŭtary jašče adnoj zadumy prapanujuć ustalavać pablizu biełaruskaj miažy infarmacyjnyja stendy dla suajčyńnikaŭ.

Na ich budzie napamin pravieryć, ci znachodziacca jany ŭ śpisach nievyjaznych dy vydalić kramolnuju infarmacyju z sacyjalnych sietak. Heta dazvolić źmienšyć pahrozu zatrymańnia, davodziać inicyjatary idei.

Siarod zadumaŭ i stvareńnie niekamiercyjnaj płatformy dla pošuku śpiecyjalistaŭ z peŭnymi prafiesijnymi navykami dla dalejšaha ažyćciaŭleńnia roznych tvorčych i inšych zadumaŭ.

Prapanujecca ideja pravieści pa ŭsim śviecie biełaruskija kalady.

Inšyja aŭtary chočuć stvaryć u Biełastoku batlejku, kab u joj pakazvać dzieciam kaladnyja pradstaŭleńni.

Jość i ideja arhanizavać dla dziaciej biełarusaŭ letnik na Padlaššy.

Čakaje padtrymki ideja zrabić arkadnuju hulniu abo kviz pra Vialikaje Kniastva Litoŭskaje, kab u hulniavym farmacie zaachvocić biełarusaŭ vyvučać historyju.

Global

U supołku pakul dasłana 6 idejaŭ.

«Histaryčnaja architektura ŭ «AR/VR».

Aŭtary abiacajuć stvaryć 3D-madeli histaryčnych pomnikaŭ dla vykarystańnia ich u adukacyjnych, kulturnych i zabaŭlalnych kantekstach.

«Seks-adukacyja dla padletkaŭ na biełaruskaj movie».

Aŭtary prapanujuć adukacyjny kurs pa seksualnaj aśviecie moładzi.

Pavialičyć

«Ličbavaja ilustravanaja kniha kazak» z elemientami kviza, inšych interaktyvaŭ, a taksama mahčymaściami vyvučeńnia biełaruskaj movy.

Aŭtary zapeŭnivajuć, što ich ideja dapamoža dzieciam lepiej viedać biełaruskuju movu

Na konkurs dasłanaja ideja pa stvareńni «Anłajn-vystavy biełaruskich tvoraŭ».

Aŭtary jašče adnoj idei chočuć stvaryć «Biełaruskuju sietku» dla abjadnańnia i kaardynacyi dziejańniaŭ biełarusaŭ pa ŭsim śviecie na asnovie kalektyŭnaha samakiravańnia z płatnym siabroŭstvam.

Prapanavana ideja zrabić animacyjny multfilm pra vybitnych dziajačak biełaruskaj daŭniny.

Siarod mierkavanych hieraiń — Jeŭfrasińnia Połackaja, Safija i Hanna Radzivił. Na dumku aŭtaraŭ, heta dazvolić papularyzavać biełaruskuju kulturu i «ažyvić histaryčnuju spadčynu Biełarusi» praz animacyju.

***

Adbor zajavak na konkurs idej budzie zakryty bližej da listapada. Finansavańnie pieramožcaŭ pačniecca ŭ Litvie pry kancy 2024 hoda. U Polščy srodki buduć vydzialacca ŭ 2025-ym.

Aŭtary prajekta «Buduj svajo» adznačajuć, što supiersiła biełarusaŭ i biełarusak — jany sami. I sabraŭšysia razam, jany mohuć samastojna, za svaje hrošy, biez dapamohi fondaŭ, hrantaŭ ci donaraŭ, zapuskać prajekty, jakija vyrašajuć ahulnyja prablemy.

Hladzicie taksama:

Afiša, servisy, biełaruski jutub — dziesiać karysnych servisaŭ prahramy «Novaja Biełaruś»

Anłajn-płatformu «Novaja Biełaruś» pryznali ekstremisckaj

«Pasprabujem sabrać biełarusaŭ jak nacyju ŭ adno vialikaje kamjunici». Ajcišniki stvaryli «Ličbavuju Biełaruś»

• 7
• 0
• 6
• 1
• 0
• 1
• 0
• 0