U XIX stahodździ niamiecki lekar Karł Vunderlich vyznačyŭ normu tempieratury cieła dla zdarovaha čałavieka — 37°C. Paźniej hety pakazčyk skarektavali da 36,6°C, što stała suśvietnym standartam. Ale sučasnyja daśledavańni śviedčać, što staraja norma ŭžo nie adpaviadaje rečaisnaści.
Apošnija daśledavańni pakazvajuć, što siaredniaja tempieratura cieła sučasnaha čałavieka, chutčej za ŭsio, nižejšaja za raniej pryniatyja normy. Jak piša WP Tech, daśledavańni, jakija byli praviedzienyja ŭ ZŠA ŭ 2019 hodzie, pakazali siaredniuju tempieraturu 36,4°C.
Asobnaje daśledavańnie było praviedziena siarod pradstaŭnikoŭ balivijskaha plemieni cymanie, jakija žyvuć u izalavanych umovach. Tut było zafiksavana, što siaredniaja tempieratura ich cieła źnižajecca na 0,05°C štohod i ciapier składaje prykładna 36,5°C.
Heta pakazvaje, što źmiena tempieratury adbyvajecca nie tolki ŭ raźvitych krainach, ale i ŭ izalavanych supolnaściach.
Jak adznačaje WP Tech, navukoŭcy źviazvajuć źnižeńnie tempieratury z palapšeńniem jakaści žyćcia i hihijeny. Dostup da čystaj vady, sučasnych miedycynskich pasłuh i vakcynacyi dazvalaje ludziam tracić mienš enierhii na baraćbu ź infiekcyjami.
Akramia taho, klimatyzacyja i sistemy aciapleńnia zabiaśpiečvajuć bolš stabilnyja ŭmovy, źnižajučy nahruzku na arhanizm.
Tradycyjna vysokaj tempieraturaj ličyli ŭsio, što zvyš 37,8°C. Robiert Ch. Šmierlinh (Robert H. Shmerling), doktar miedycynskich navuk z fakulteta Harvard Health Publishing, ličyć, što sučasnyja daśledavańni nie dajuć padstaŭ mianiać hetaje aznačeńnie, adnak jany pakazvajuć, što pry acency zdaroŭja varta ŭličvać ahulnyja tendencyi źnižeńnia tempieratury.
U svaju čarhu, prafiesar Majkł Hurvien (Michael Gurven) padkreślivaje, što niama adzinaj univiersalnaj normy tempieratury dla ŭsich ludziej. Novyja danyja bolš važnyja dla analizu zdaroŭja vialikich hrup nasielnictva, a dla dyjahnostyki asobnych ludziej jany nie majuć asablivaha značeńnia.
Što rabić, kali ŭ kvatery chałodna?
Što viadoma pra naravirus, uspyška jakoha adbyłasia ŭ Breście: simptomy, zaraznaść, lačeńnie
Pa śviecie raspaŭsiudžvajecca novy varyjant kavidu CHIES. Čym jon adroźnivajecca ad papiarednich
«Tempieratura — 40, tabletki nie dapamahali». Biełaruska ź invalidnaściu ciažka pierachvareła na anhinu i ciapier šukaje hrošy na lačeńnie ŭ Polščy
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im3
Kamientary