Zdareńni11

Mužčyna vykinuŭ dźviuch košak z 8-ha paviercha, bo ich haspadynia nie pajechała ź im adpačyvać

Žychar Barysava adpomściŭ viciablancy, vykinuŭšy dźviuch jaje kotak z 8-ha paviercha. Hetak jon adpomściŭ žančynie za toje, što jana nie zachacieła pajechać ź im adpačyvać za miažu, pišuć «Narodnyja naviny Viciebska».

Zdymak ilustracyjny

U milicyju pastupiła zajava ad 50-hadovaj žycharki Viciebska ab tym, što jaje znajomy vykinuŭ dźviuch kotak z bałkona, pryčyniŭšy žyviołam kalectva.

Jak paźniej vyśvietliłasia, u kancy 2023 hoda ŭ hości da viciablanki pryjechaŭ 56-hadovy žychar Barysava. Mužčyna i žančyna źbiralisia na navahodnija śviaty vylecieć na adpačynak za miažu. Ale abstaviny skłalisia tak, što ŭ pracesie afarmleńnia dakumientacyi na vyjezd u žančyny ŭźnikli niekatoryja składanaści.

Vylecieć na adpačynak u jaje nie atrymałasia, a bieź jaje mužčyna na adpačynak taksama nie palacieŭ. Pakryŭdžany kavaler zładziŭ pryjacielcy skandał, patrabujučy addać jamu hrošy, vydatkavanyja na pucioŭku.

Pryjechaŭšy znoŭ u Viciebsk, jon paprasiŭsia zastacca na načleh, pakolki było vielmi pozna i transpartu da Barysava nie było. Viciablanka dazvoliła znajomamu zastacca ŭ jaje doma da ranicy.

Na kvatery mužčyna adnaviŭ skandał. Pry hetym jon ładna napiŭsia i staŭ napadać na svaju znajomuju z kułakami i pahrozami.

Žančynie ŭdałosia ŭciačy z kvatery i vyklikać milicyju. A pakul jaje nie było doma, mužčyna ŭziaŭ dźviuch košak i pajšoŭ na bałkon, raźmieščany na 8-m paviersie, z akna jakoha pa čarzie staŭ vykidać žyvioł na dvor.

Viciablanka zmahła trapić u svaju kvateru tolki z dapamohaj supracoŭnikaŭ milicyi, adrazu vyjaviła prapažu košak i pabiehła ich šukać u dvor. Žyviolin jana znajšła z roznymi traŭmami, charakternymi dla padzieńnia z vyšyni.

Svoj nieadekvatny ŭčynak žyvadzior patłumačyŭ tym, što koški jahonaj znajomaj zaleźli na jaje stoł i jon vyrašyŭ takim čynam vychavać ich. Pry hetym patłumačyć, ź jakoj pryčyny jon staŭ u pjanym vyhladzie bujanić i navodzić svaje paradki ŭ čužoj kvatery, jon adkazać nie zmoh.

Koški, na ščaście, vyžyli, ale haspadyni pryjšłosia jašče doŭha adnaŭlać ich zdaroŭje ŭ vieterynaraŭ. Paśla taho, jak žančyna napisała ŭ milicyju zajavu ab žorstkim abychodžańni z žyviołami, mužčyna ŭ svaju čarhu danios na jaje, bo, na jahonuju dumku, koški ŭ kvatery žyli biez rehistracyi.

Dziejańni pjanaha mužčyny kvalifikavanyja prakuraturaj horada jak žorstkaje abychodžańnie z žyviołami, što paciahnuła atrymańnie imi kalectvaŭ. U dačynieńni da jaho zaviali kryminalnuju spravu.

Kamientary1

  • Maksim Dizajnier
    01.03.2024
    Biednyja i hałodnyja biełarusiki. 56-i letnij mača iz Bobrujska sobrałsia na bł...ki s 50-i letniej vsie jeŝie dievočkoj za zahranicu. Poka jeŝie odin alfasamiec vjezžajet na absolutno novoj topoj električkie ot BMV v podjezd oblezłoj panielki.

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia

Usie naviny →
Usie naviny

Polskija śpiecsłužby rasśledujuć pahrozu zabojstva Paŭła Łatuški 10

«Dzieci hulali, a źmiaja płavała ŭ łužynie». U rajonie Barysava našeście hadziuk — kamunalniki nie reahujuć5

Pierasadžvacca ŭ inšy aŭtobus u čarzie na miažy bolš nielha? Zdajecca, tak3

Łukašenka prapanavaŭ adsiakać ruki tym, chto kradzie ŭ sielskaj haspadarcy6

Akademija navuk raspracavała instrukcyju pa źniščeńni «ekstremisckich» knih u biblijatekach11

«Zasnuli na Kalinoŭskaha, pračnulisia na Mašerava». U Kobrynie za noč prybrali pakazalniki z proźviščam Kalinoŭski VIDEA2

Hramadzianina Hiermanii prysudzili ŭ Biełarusi da rasstrełu15

Źnikłaha ŭ Polščy biełarusa znajšli ŭ Varšavie źbitym i biez dakumientaŭ10

«Vada pranikła ŭnutr, zapoŭniła sałon mnie pa pojas, ruki treślisia». Chto taja dziaŭčyna z zapaminalnaha fota minskaha patopu3

bolš čytanych navin
bolš łajkanych navin

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia

Hałoŭnaje
Usie naviny →