U Žłobinie na padvorkach staviać rasijskija ściahi. Miascovyja siłaviki heta tolki vitajuć
U telehram-kanale «Svobodnyj Žłobin» źjaviłasia fota, na jakim vyjaŭleny rasijski ściah na fłahštoku pobač z čyrvona-zialonym biełaruskim na adnym z padvorkaŭ žłobinskaha pryvatnaha siektara. Hetaja situacyja maje svaju pieradhistoryju.
![](http://d3kcf2pe5t7rrb.cloudfront.net/img/w732d4webp1/photos/z_2024_02/2024-02-21164358-2-n6myr.jpg.webp)
Jašče 5 lutaha «Svobodnyj Žłobin» paviedamlaŭ, što ŭ miascovym čacie «Dyjałoh z uładaj» hramadzianie zadavali pytańnie, ci možna stavić na padvorkach rasijskija ściahi, bo takija vypadki ŭžo byli zafiksavanyja. Im adkazaŭ asabista načalnik miascovaha RAUS Vital Padziarun: «U hetym vypadku adsutničajuć padstavy dla pačatku administracyjnaha pracesu».
![](http://d3kcf2pe5t7rrb.cloudfront.net/img/w732d4webp1/photos/z_2024_02/2024-02-21164329-2-cvre3.jpg.webp)
Praź niekalki dzion hramadzianie ŭ tym ža čacie zapytalisia, ci možna ŭ takim vypadku vyviešvać na padvorkach i ŭkrainskija ściahi? Adkazam było abciakalnaje śćviardžeńnie, što «na terytoryi Respubliki Biełaruś rekamiendujecca ŭstanoŭka ściaha Respubliki Biełaruś». U ciapierašniaj situacyi taki adkaz vidavočna treba traktavać jak toje, što taleravacca ŭkrainski ściah navat na asabistym padvorku nie budzie.
![](http://d3kcf2pe5t7rrb.cloudfront.net/img/w732d4webp1/photos/z_2024_02/2024-02-21164347-2-qqtg0.jpg.webp)
Sa śviežaha fotafakta ŭ tielehram-kanale «Svobodnyj Žłobin» bačna, što prarasijska nastrojenyja žychary horada kart-błanšam, dadzienym im načalnikam miascovaj milicyi, achvotna karystajucca.
«Pa takich «abvinavačańniach» možna pierasadžać usich prykormlenych prapahandystaŭ». Prarasijskaja stalinistka Mirsalimava prakamientavała svaju spravu
«My parailisia, i ja vyrašyŭ». U Homieli daviedalisia dumku žycharoŭ adnosna nazvy prypynku, a paśla jaje prosta praihnaravali
Prarasijskija aktyvisty sprabavali nakrucić hałasy suprać imionaŭ vybitnych biełarusaŭ
Kamientary