Hramadstva77

«Pa takich «abvinavačańniach» možna pierasadžać usich prykormlenych prapahandystaŭ». Prarasijskaja stalinistka Mirsalimava prakamientavała svaju spravu

Viciebskaja prarasijskaja aktyvistka Elvira Mirsalimava, jakuju niadaŭna sudzili pa artykule ab parušeńni paradku praviadzieńnia masavych mierapryjemstvaŭ, prakamientavała svaju spravu ŭ fejsbuku. Nadta šmat padrabiaznaściaŭ jana, praŭda, nie raskazała, ale niejkija namioki zrabiła.

Viciebskaja prarasijskaja aktyvistka ličyć abvinavačvańni na svoj adras nadumanymi i płanuje jašče bolš zaniacca prasoŭvańniem rasijskaha paradku dnia ŭ Viciebsku. 

Maŭlaŭ, «pa takich «abvinavačańniach» možna pierasadžać usich prykormlenych prapahandystaŭ».

Jak vynikaje, u jaje zabrali telehram-kanał, i choć jon dahetul pracuje, ale pościć u jaho nie Mirsalimava. Ciapierašni kantent maje niazvykły dla hetaj dziajački farmat malunkaŭ-cytat.

Mirsalimava taksama piša, što suprać jaje zaviedziena sprava i abranaja «miera strymańnia», jakuju jana taksama nazyvaje «absurdnaj», jak i abvinavačańni. 

Tym nie mienš, usio heta dla jaje nie padstava, kab pierastać prasoŭvać nadalej rasijski paradak dnia:

«Kali nie atrymajecca adnavić svoj TH-kanał, stvaru novy i praciahnu našu dziejnaść pa realnaj intehracyi Rasii i Biełarusi, padtrymcy akcyj «Nieśmiarotny połk» u RB, abaronie rasiejskaj movy ŭ Biełarusi, Pravasłaŭja i tradycyjnych siamiejnych kaštoŭnaściaŭ». 

Elvira Mirsalimava — adna ź viadomych prarasijskich aktyvistak.

Raniej jana kazała, što biełarusy — heta ruskija, a Stalin — vialiki dziejač, i prapanoŭvała pastavić jamu pomnik.

Kamientary7

  • Sprava
    20.02.2024
    Možna pierasadžać? Tak u čym prablema? Dziejničaj!!
  • No
    20.02.2024
    Hetaja istota adkryta vystupaje suprać biełaruskasci i niezaležnasci krainy, ale dla režymu vorahi tyja chto za Biełaruś i niezaležnaść.
    Dzie takoje dzikunstva jašče moža być?
    Čamu zło u hetaj krainie panuje!!!
  • Josik
    20.02.2024
    A chto tabie daŭ zahad ź biełarusaŭ tutaka rasiejskaje ha.no prasoŭvać? Sama vyrašyła, nu dyk "zmahajsia". A šče mohuć u rasieju vyvieźci, kab tam niešta prasoŭvała.

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Čarha lehkavych aŭto na ŭjezd u Polšču ź Biełarusi pavialičyłasia ŭ čatyry razy5

Juryj Čyž pajšoŭ u rasijski sud, kab pazmahacca za svoj małakazavod u Hielendžyku

Jak transhiendar abvaliŭ prodažy samaha papularnaha amierykanskaha piva15

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam23

Nie rabicie hetuju pamyłku ŭ zachoŭvańni chleba5

Nazirajecca maštabny zboj elektroniki pa ŭsim śviecie. Aeraporty admianiajuć paloty13

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →