«Spytajcie narešcie, što jany chočuć za našych ludziej!» Harbunova zaklikała mižnarodnuju supolnaść nakiravać ekśpiertaŭ u kałonii
Pradstaŭnica Abjadnanaha pierachodnaha kabinietu ŭ sacyjalnaj palitycy Volha Harbunova, kamientujučy śmierć palitviaźnia Ihara Lednika, zajaviła pra nieabchodnaść umiašalnictva mižnarodnaj supolnaści.
«My bjem va ŭsie zvany! Ludzi pamirajuć! Piataja nam viadomaja śmierć.
Čamu vy jašče nie naviedali turmy režymu? Čamu jašče nie nakiravali ŭ Biełaruś ekśpiertnyja kamisii? Ci znojdziecca chtości sumlenny i śmieły, chto voźmie trubku i pačnie hetuju razmovu? Spytajcie ŭ ich, narešcie, što jany chočuć za našych ludziej, za palitźniavolenych!» — napisała Volha Harbunova.
Jana źviartaje ŭvahu, što i daktary, i nahladčyki, i prakurory, i sudździ dakładna viedali, što jon praz prablemy z sercam mieŭ invalidnaść 2-j hrupy.
«Jany viedali, što paśla pieraniesienaj apieracyi na straŭnikava-kišačnym trakcie palitviazień mieŭ stomu, da jakoj byŭ zamacavany admysłovy pakiet. Jany viedali. Ale heta nie pieraškodziła im spačatku źmiaścić va ŭmovy źniavoleńnia, a paśla i praciahły čas utrymlivać u ich 63-hadovaha mužčynu ź ciažkimi zachvorvańniami. I za što ŭtrymlivać! Za nibyta paklop u dačynieńni da Łukašenki. Niaŭžo słovy ‒ navat pramoŭlenyja ‒ mohuć kaštavać čałaviečaha žyćcia», — piša Harbunova.
Jana źviartajecca da ŭsich datyčnych da źniavoleńnia Lednika, jak jana piša, — «turemščykaŭ» režymu:
«Čym dla vas byŭ niebiaśpiečny Ihar? Jakuju pahrozu dla hramadstva i vašaj ułady jon ujaŭlaŭ? Za što vy ź jaho ździekavalisia, nie davali navat narmalna prymać duš? Za što pomścili? Nie ŭkładvajecca ŭ hałavie…».
Ihar Lednik staŭ piataj viadomaj achviaraj režymu Łukašenki ŭ źniavoleńni.
Što viadoma pra pamierłaha palitviaźnia Ihara Lednika
«Jany vajujuć za svajo zdaroŭje i svajo žyćcio ŭ žachlivych umovach». Cichanoŭskaja — pra śmierć Ihara Lednika
Były palitviazień: Ihar Lednik kazaŭ mnie, što chutčej za ŭsio pamre ŭ kałonii
Try hady kałonii Iharu Ledniku pryznačyła sudździa Taćciana Šocik
U turmie pamior palitviazień Ihar Lednik
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary
Nieadnarazova zapytalisia i nieadnarazova byŭ atrymany adkaz - jany chočuć być rabaŭładalnikami, karalami, niebažycielami. Jany chočuć krainu razam ź ludźmi ŭ pryvatnaj ułasnaści, kab tyja ludzi prosta byli ichnymi zvyčajnymi asabistymi rabami, tolki i ŭsiaho. Zachacieŭ pamučyŭ, u turmie ci jašče jak. Zachacieŭ - trachnuŭ. Karaciej, žyć žyćcio ŭ svajo zadavalnieńnie chočuć. Raby abaviazanyja hetamu radavacca.
Jany navat zhodnyja nie ŭsio i adrazu, a pastupova - spačatku prosta pryznać ich narešcie adzinaj zakonnaj uładaj i ŭ lubych pytańniach być na ich baku - viartać źbiehłych pryhonnych nazad u chleŭ, a dalej jany ŭžo sami.