Hramadstva11

Što viadoma pra pamierłaha palitviaźnia Ihara Lednika

Pra śmierć aktyvista BSDP jaho adnapartyjcy daznalisia 20 lutaha.

U 1999 hodzie trymaŭ haładoŭku ŭ niavoli

Ihar Lednik naradziŭsia 12 śniežnia 1960 hoda ŭ Miensku. U jaho vyšejšaja techničnaja adukacyja. Ad pačatku niezaležnaści zajmaŭsia pradprymalnictvam. Byŭ zasnavalnikam i ŭłaśnikam firmaŭ «Jason» u Barysavie i «Lima» ŭ Maskvie. Śpiecyjalizavaŭsia na finansavym mieniedžmiencie na rynku kapitała.

Jon byŭ adnym z arhanizataraŭ Kaardynacyjnaj rady indyvidualnych pradprymalnikaŭ Biełarusi i ŭznačalvaŭ pravaabarončy ruch «Naša Biełaruś».

U 1999 hodzie Lednik prabyŭ u źniavoleńni dzieviać miesiacaŭ pa abvinavačvańni va ŭtojvańni dachodaŭ, parušeńni praviłaŭ viadzieńnia pradprymalnickaj dziejnaści i machlarstvie.

Na znak pratestu Lednik 17 dzion trymaŭ haładoŭku. Abvinavačvańnie nie pryznavaŭ. Jaho vyzvalili ŭ sudovaj zali i pryznačyli dadatkovaje rasśledavańnie.

Na dumku naziralnikaŭ, padstavaj dla aryštu pradprymalnika była jaho aktyŭnaść pa vykryćci parušeńniaŭ haspadarčaj dziejnaści adnoj z barysaŭskich firm. Jany pryviali da spustašeńnia jaho pradpryjemstva «Jason». Akramia taho, jon skardziŭsia na biaździejnaść Barysaŭskaha mižrajonnaha kamiteta finansavych rasśledavańniaŭ.

Prasoŭvaŭ temu «Budapiešckaha miemarandumu»

U 1999 hodzie Lednik staŭ dyrektaram rehijanalnaha centra Asamblei niaŭradavych arhanizacyjaŭ.

U 2007 hodzie napiaredadni Dnia voli Lednika asudzili na 5 dzion aryštu. Nahodaj stała tradycyjnaje na toj čas abvinavačańnie ŭ «drobnym chulihanstvie».

Paźniej Leanid Lednik dałučyŭsia da BSDP dla prasoŭvańnia temy «Budapiešckaha miemaranduma» — miždziaržaŭnaha dakumienta ab harantyjach biaśpieki ŭ suviazi z dałučeńniem Ukrainy da Dahavora ab nieraspaŭsiudžańni jadziernaj zbroi. Heta była śfiera jaho prafiesijnych intaresaŭ jak daśledčyka, analityka, žurnalista i partyjca.

Lednik pisaŭ artykuły, dałučaŭ da abmierkavańnia ekśpiertaŭ. Usialak aktualizavaŭ temu «Budapiešckaha miemaranduma». Źviartaŭ uvahu na toje, što biez zrynańnia dyktatury ŭ Biełarusi i skasavańnia Sajuznaj dziaržavy adnavić raŭnavahu i spakoj va Uschodniaj Jeŭropie niemahčyma.

«Hetaj temaju jon prosta hareŭ, i heta jaho apantanaść, biezumoŭna, nakładała adbitak na jaho zdaroŭje. Śmieła možna kazać, što režym jaho dabiŭ, źniavoliŭšy pa nadumanaj pryčynie i pazbaviŭšy mahčymaści vykazvacca. Da 2020 hoda na jaho artykuł nie źviarnuli b uvahi. Jon byŭ by rascenieny jak krytyčny. Ale paśla pratestaŭ lubuju niazhodu łukašenkaŭcy stali ŭspryniać jak kryminał», — vykazvajucca adnapartyjcy Lednika.

Ličyŭ, što Łukašenka parušyŭ «Budapiešcki miemarandum»

Ihara Lednika zatrymali ŭ Barysavie 18 krasavika 2022 hoda i prysudzili try hady kałonii ahulnaha režymu za nibyta paklop na Łukašenku.

Nahodaju dla kryminalnaha pieraśledu Lednika stała publikacyja ŭ partyjnym časopisie «Pazicyja». U joj aktyvist vinavaciŭ Łukašenku va ŭzurpacyi ŭłady ŭ 1996 hodzie paśla razhonu Viarchoŭnaha Savieta 13 sklikańnia i ŭstalavańni dyktatury pry padtrymcy Rasii.

Jon ličyŭ, što łukašenkaŭski režym pieršym u Jeŭropie parušyŭ «Budapiešcki miemarandum». Dziejańni Łukašenki pryviali da razbałansavańnia kanfihuracyi sił i biaśpieki ŭ rehijonie. Padpisanty miemaranduma, pieradusim ZŠA i Vialikabrytanija, naležnym čynam na toje nie adreahavali. U kančatkovym vyniku heta pryviało da raźviazvańnia Rasijaj vajny va Ukrainie.

U kałoniju Lednika adpraviła sudździa viadomaja palityčna matyvavanymi prysudami

Ihara Lednika sudziła Taciana Šocik ź Leninskaha suda Minska. Pad jaje staršyniavańniem prachodziŭ praces nad advakatam Andrejem Mačałavym, pierakładčycaj Volhaj Kałackaj, prahramistam Ramanam Kananovičam. Sudziła Šocik i lidara AHP Mikałaja Kazłova. Na jaje rachunku jašče nie adzin dziasiatak palityčnych prysudaŭ.

Lednik byŭ pryznany pravaabarončaj supolnaściu Biełarusi palitviaźniem.

Kazaŭ, što da vyzvaleńnia nie daciahnie

Pakarańnie aktyvist BSDP adbyvaŭ u kałonii №2 u Babrujsku. Pa stanie zdaroŭja jaho trymali ŭ Babrujsku ŭ sančastcy. A pamior palitviazień u Minskaj rajonnaj balnicy, kudy jaho dastavili z kałonii.

Praz chvarobu z sercam Lednik mieŭ 2-ju hrupu invalidnaści. U kałonii jon pieranios apieracyju na straŭnikava-kišačnym trakcie. U jaho adkryłasia jazva. Apieracyja dała mahčymaść praciahnuć jamu žyćcio ŭ niavoli.

«Składanaści sa zdaroŭjem: jazva, serca — nie davali jamu šancaŭ na vyžyvańnie ŭ kałonii», — ličać adnapartyjcy Lednika.

Były palitźniavoleny Alaksiej Hałoŭkin raskazvaŭ, što Lednik trymaŭsia hodna, ale kazaŭ, što chutčej za ŭsio pamre ŭ kałonii. Narakaŭ, što zdaroŭje ŭvieś čas paharšajecca, i kali jamu nie akažuć kvalifikavanuju, svoječasovuju miedyčnuju dapamohu, da vyzvaleńnia jon nie daciahnie.

Maje syna, žyŭ u kamunałcy

Pavodle słovaŭ adnapartyjcaŭ, Ihar Lednik žyŭ adzin u pakoi kamunalnaj kvatery. U jaho jość syn, jaki žyvie ŭ Izraili. U źniavoleńni Iharam apiekavałasia siastra, jakaja nie padzialała pohladaŭ brata.

@nashaniva U biełaruskaj turmie pamior jašče adzin palityčny viazień #biełaruś #novostibiełaruś #biełaruśnovosti #politzaklučiennyje #bobrujsk #navinybiełarusi #milicijabiełarusi #našaniva ♬ Sad Music - Max-Music

Kamientary1

  • Avstrijak
    20.02.2024
    Imiena i familii prokurorov i sudiej śledujet pisať v staťje zahłavnymi bukvami i žirnym šriftom. Potom prihoditsia, proŝie iskať

Pryznačyli novaha načalnika DAI

Pryznačyli novaha načalnika DAI

Usie naviny →
Usie naviny

Pamiatajecie biełarusa, jaki padčas ekstradycyi pierakryŭ most na miažy? Jaho ŭsio ž pasadzili na sutki7

U Pinsku prajšła mocnaja zaleva, zatapiła vulicy VIDEA

«Akieła pramachnuŭsia». U siecivie zavirusiłasia paciešnaje VIDEA, jak brescki kot palavaŭ na busła1

Žančyna z-pad Škłova dała znajomamu klučy ad mašyny i ŭ vyniku zalacieła na 65 tysiač rubloŭ: «A jon adsiedzieŭ 3 hady — i ŭsio»21

U DTZ u Minskim rajonie paciarpieli piaciora dziaciej — vosiem čałaviek nabilisia ŭ lehkavuju Audi

Akramia niemca Kryhiera, da śmiarotnaha pakarańnia ŭ postsavieckaj Biełarusi prysudzili jašče 12 inšaziemcaŭ. Ale jość niuansy

U Kijevie zajavili pra stvareńnie biełaruskaha hramadskaha ruchu «Kalinoŭcy». U kiraŭnictvie viadomyja asoby24

Samy małady kantraktnik Rasii zahinuŭ va Ukrainie ŭ pieršym ža bai15

Kitaj pastaŭlaje Biełarusi detali dla zbroi suprać Ukrainy 6

bolš čytanych navin
bolš łajkanych navin

Pryznačyli novaha načalnika DAI

Pryznačyli novaha načalnika DAI

Hałoŭnaje
Usie naviny →