Hramadstva1111

«U ludziej nie było času narmalna sabracca». Stryžak pra detali apošniaj chvali evakuacyi ź Biełarusi

Za čas apošniaj abłavy na siemji palitviaźniaŭ słužba evakuacyi «Bajsoł» vyviezła ź Biełarusi bolš za 35 čałaviek. Kiraŭnik fondu Andrej Stryžak raskazaŭ «Našaj Nivie», čym hetaja chvala evakuacyi adroźnivałasia ad inšych.

Andrej Stryžak. Fota: «Naša Niva»

Evakuacyjnaja słužba pracuje zaŭždy

Andrej Stryžak kaža, što ŭ fondzie zaŭždy hatovyja da evakuacyi ludziej, i ŭ niejkim sensie paraŭnoŭvaje «Bajsoł» z padstancyjaj chutkaj dapamohi, jakaja ŭvieś čas hatovaja prymać vykliki.

«Navat u tyja dni, kali zapytaŭ mała abo ich zusim niama, my znachodzimsia na pastajannym dziažurstvie. Evakuacyjnaja słužba — adzinaja ŭ našaj arhanizacyi, jakaja pracuje paźmienna.

Kali zdarajecca niešta padobnaje na toje, što my bačyli naprykancy studzienia, to ŭsie pracujuć u režymie 24/7», — tłumačyć Stryžak.

Ź jaho słoŭ, paśla taho, jak siłaviki abviaścili, što jany nibyta nakryli kadravy rezierv Biełarusi, fond taksama znachodzicca ŭ režymie pavyšanaj hatoŭnaści ŭ čakańni novaj chvali zapytaŭ na evakuacyju.

Stryžak dadaje, što, pakul režym nie źmienicca i ŭ Biełarusi budzie panavać dyktatura, słužba evakuacyi biez pracy nie zastaniecca. 

«Naturalna, što paśla taho, jak siłaviki pajšli pa svajakach palitviaźniaŭ, adbyŭsia ŭsplosk. Za hetyja try tydni było vyvieziena bolš za 35 čałaviek. A kali hladzieć na statystyku, to va ŭmoŭna spakojnym časie ciaham troch tydniaŭ było b čałaviek 10-15». 

Vyjazdžali cełymi siemjami

Andrej Stryžak vyłučaje peŭnyja asablivaści apošniaj chvali. Adna ź ich u tym, što siarod evakujavanych było šmat ludziej, jakija jašče ranicaj byli ŭpeŭnienyja, što ŭ ich žyćci ničoha nie źmianiłasia, a ŭžo viečaram byli na evakuacyjnaj trasie.

Ilustracyjny zdymak. Fota: «Naša Niva»

«To-bok u ludziej banalna nie było času, kab padrychtavacca i narmalna sabracca. Inšaja śpiecyfika składałasia z taho, što było šmat evakuacyj siemjami. Ludzi byli vymušanyja źjazdžać jak z małymi dziećmi, tak i sa starymi baćkami.

Praz heta była vialikaja raźbiežka pa ŭzroście. Kali samym maładym było mienš za 10 hadoŭ, to samym darosłym užo bolš za 60».

Navošta hetyja čystki ŭładam?

Na dumku Stryžaka, pakolki biełaruskaja ŭłada znachodzicca ŭ z usich bakoŭ asadžanaj krepaści, to joj vielmi važna pastajanna trymać u tonusie ŭ tym liku svaich prychilnikaŭ.

Ilustracyjny zdymak. Fota: «Naša Niva»

«Tamu ja dumaju, što ŭsie hetyja dziejańni ciapier bolš nakiravanyja nie na tych, chto suprać siońniašniaj ułady, a chutčej na tych, chto za. Im treba pakazać, što hranica na zamku, unutranyja i źniešnija vorahi pieramožanyja i pravilnaść kursa paćvierdžanaja. Tamu jość takoje mierkavańnie ŭ mianie, što heta chutčej zroblena dla ŭnutranaha ŭžyvańnia samoj sistemy. Im važna rabić akty lehitymacyi samich siabie pierad samimi saboj».

Stryžak nie ličyć, što varta raźličvać na niejkuju adlihu paśla zaviaršeńnia elektaralnaj kampanii. 

«Mahčyma, nie budzie takich vialikich kampanij, jak ciapier, kali sotni ludziej padviarhajucca vobšukam. Ale ŭsio roŭna treba pamiatać, što ŭ nas adbyvajecca da 10 aryštaŭ u dzień navat va ŭmoŭna spakojny čas. Tamu niejkaj adlihi paśla vybaraŭ čakać nie varta, bo łukašysty ciapier nie ŭ tym stanoviščy, kali jany mahli pahandlavać z Zachadam». 

Čytajcie taksama:

Śviatłana Aleksijevič: Zianon mieŭ racyju. A my vieryli ŭ Rasiju, čakali dapamohi ad Rasii i rasijskaj intelihiencyi

Jak vyhladajuć debaty na BT: manałohi kandydataŭ, a paśla dźvie chviliny abmierkavańnia Kurapataŭ

Kamientary11

  • Kazačka dla durnych
    18.02.2024
    Nibyta kdb i inšyja chuntaŭskija struktury nie viedajuć ani maršrutaŭ evakuacyi, ani tych, chto jaje vykonvaje, ani kaho viazuć. Prosta śmiešna heta čytać. Usia hetaja insceniroŭka - čarhovy sposab zabrać u biełarusaŭ maksimum hrošaj i vykinuć z krainy najbolš aktyŭnych. I čym bolš stryžak budzie evakujavać-tym bolej hrošaj jany z chuntaj źbiaruć.
  • Žora
    18.02.2024
    Red: Dziakuj!
  • Starkoff nie dla durakoff
    18.02.2024
    [Red. vydalena]

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia

Usie naviny →
Usie naviny

Apple moža zdać pryvatnyja danyja ŭsich svaich karystalnikaŭ u śviecie śpiecsłužbam Vialikabrytanii. Heta moža stać niebiaśpiečnym precedentam4

Nieabchodnyja hrošy na patreby Paliny Šarendy-Panasiuk sabrali za niekalki hadzin5

Tramp zapatrabavaŭ zakryć USAID za «karupcyju»8

Naščadki hotaŭ i fina-vuhraŭ navat bolš, čym mierkavałasia. Što nasamreč u hienach biełarusaŭ i litoŭcaŭ?46

Žachlivaja historyja ŭ «Minsk-Śviecie»: sabaka na dvary naparoŭsia na šampur, haspadynia ličyć, što jaho ŭvatknuli naŭmysna1

Što rabić, kali vaš telefon upaŭ u šachtu lifta?5

Biełaruskija astravy, pra jakija vy mahli nie viedać2

Zialenski raskazaŭ, jak bačyć «ździełku» z Trampam pa karysnych vykapniach9

U Pieciarburhu muzyka vykinuŭsia z 10-ha paviercha, kali da jaho pryjšli ź pieratrusam za «finansavańnie USU»7

bolš čytanych navin
bolš łajkanych navin

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia

Hałoŭnaje
Usie naviny →

Zaŭvaha:

 

 

 

 

Zakryć Paviedamić