74-hadovamu piensijanieru pryznačyli 15 sutak aryštu za łajki ŭ «Adnakłaśnikach» pad pastami pra Cichanoŭskuju
Žychara Mikaševičaŭ Anatola Pryščyka zatrymali 12 lutaha. Pavodle svajakoŭ, zatrymańnie było žorstkim: «z čornaha busa vyskačyli 15 ambałaŭ sa zbrojaj, kinuli 74-ch hadovaha dziadulku tvaram ab ziamlu».
![](http://d3kcf2pe5t7rrb.cloudfront.net/img/w840d4webp1/photos/z_2024_02/-vd0px.jpg.webp)
Pa infarmacyi bieraściejskich pravaabaroncaŭ, 15 studzienia łuninieckaja sudździa Viktoryja Žuk pryznačyła 15 sutak aryštu Anatolu. Padstavaj stali kolišnija łajki ŭ «Adnakłaśnikach» pad infarmacyjaj pra Śviatłanu Cichanoŭskuju.
Sam Pryščyk na sudzie kazaŭ, što nie pomniŭ pra tyja łajki. I źviartaŭ uvahu na svoj stan zdaroŭja. U 2022 hodzie jamu apieryravali lohkaje — u jaho vyjavili ankałohiju, jon maje prablemy z sercam.
Tym nie mienš, jaho pakarali pa č.2 art.19.11 KaAP (raspaŭsiud ekstremisckich materyjałaŭ).
Anatol Pryščyk byŭ siabram partyi BSDP (Hramada), nieadnarazova zjaŭlaŭsia naziralnikam na vybarach.
Kamientary