Hramadstva99

«Chaču pačuć ad jaje try hałoŭnyja słovy». Jak prapahanda sprabuje rekłamavać vybary — kryndžovyja VIDEA

Kab choć niejak matyvavać ludziej paŭdzielničać u vybarach 25 lutaha, ułady zapuścili ŭ sacsietkach fłešmob «Ja idu na vybary». Bolšaść rolikaŭ vyhladaje da bolu prymityŭna: biudžetnik u kadry nazyvaje svajo imia i miesca pracy, a potym vydaje typovy tekst pra toje, što treba iści na vybary. Ale jość arhanizacyi, jakija vyrašyli pakreatyvić na zadadzienuju temu.

Biełteleradyjokampanija vyrašyła rekłamavać vybary, aryjentujučysia na papularny rasijski sieryjał «Słova pacana». Trek ź jaho prapahandysty ŭziali dla rolika.

Ź siužetam nie zamaročvalisia. Chłopiec ź dziaŭčynaj stajać kala lifta. Čamuści pašpart chłopca, jaki nie razumieje, što adbyvajecca, apynuŭsia ŭ rukach dziaŭčyny, i jana im machaje. Havaryć sprabuje, jak aktrysa z taho samaha sieryjała:

— Ty vyras, u ciabie jość prava hołasu, a ŭ krainie vybarčyja ŭčastki. Zrabi svoj vybar.

Paśla hetaha dziaŭčyna vielmi vyrazna hladzić na płakat na ścianie, dzie napisana pra tyja samyja vybary. Jaje maŭklivaha partniora robicca navat krychu škada. Chočacca, kab jamu ŭsio-taki viarnuli pašpart.

Atrymlivajecca, BT praihnaravała mierkavańnie kamandujučaha ŭnutranymi vojskami Biełarusi Mikałaja Karpiankova, jaki byŭ kateharyčna suprać sieryjała «Słova pacana» i nazyvaŭ jaho «Słovam pisiuna».

 

@belarus_1_ 25 fievrala — dień, čtoby sdiełať SVOJ vybor! #biełaruś #biełaruś1 #vybory #25fievrala #cik #iźbiratielnajakampanija #fyp #top #rieki #riek #riekomiendacii ♬ Pyjała - AIHIEŁ

Nie pieršy raz łukašysty aktyŭna vykarystoŭvajuć pieśniu «My robim vybar sami». Zvyčajna pad hety trek vykładajuć videa ź niejkich ideałahičnych sustreč z pracoŭnymi kalektyvami. A voś, naprykład, jaje praśpiavali na fonie zastaŭki dnia vybaraŭ studenty Viciebskaha dziaržaŭnaha ŭniviersiteta imia Mašerava.

@vsu.by My diełajem vybor sami!❤️✅ #vhumašierova #iedinyjdieńhołosovanija ♬ orihinalnyj zvuk - VHU imieni P.M. Mašierova

Ale hetaja pieśnia była nasamreč stvorana dla patrebaŭ rasijskaj prapahandy. Śpiavać jaje pačaŭ rasijski kalektyŭ «Sałovuška». A aŭtarki słoŭ i muzyki — siostry Nužyny.

Irynu i Natallu možna ŭžo nazyvać vieterankami ideałahičnaha frontu, bo jašče ŭ 90-ja hady jany ŭdzielničali ŭ kancertach dla vajskoŭcaŭ, jakija viarnulisia z Afhanistana. Paźniej siostry ŭschvalali vojny ŭ Čačni. Ale najbolš plonnym jany nazyvajuć pieryjad paśla taho, jak Rasija anieksavała Krym: Iryna i Natalla Nužyny prezientavali ceły albom «My — budučynia Rasii». Usiaho ŭ ich skarboncy kala 400 piesień vajennaj tematyki. 

Juryj Siehieniuk, pieršy sakratar bresckaha abłasnoha BRSM, pasprabavaŭ stvaryć iluziju aktyŭnaj pracoŭnaj dziejnaści pa prapahandzie vybaraŭ, ale atrymałasia biez ahieńčyka.

U svaim tyktoku jon vykłaŭ videa, na jakim dźvie dziaŭčyny razmaŭlajuć niby ŭ pieradačach dla samych maleńkich dzietak:

— A što projdzie 25 lutaha 2024 hoda ŭ Respublicy Biełaruś?

— A 25 lutaha 2024 hoda budzie prachodzić adziny dzień hałasavańnia, dzie vybirajuć deputataŭ Pałaty pradstaŭnikoŭ Nacyjanalnaha schodu.

 

@segenykbrsmbrest #vybory #vybory2024 #25fievrala2024 #biełaruś #1riehion #brsm #briest #2024 #rek #iedinyjdieńhołosovanija #patriot @CIK Biełarusi ♬ Aesthetic - Tollan Kim

Kali kazać pra biudžetnikaŭ, to niekatorym navat daviałosia stvaryć kanał u tyktoku, kab vykłaści adno prapahandysckaje videa z saboj u hałoŭnaj roli.

Tak, naprykład, zrabiła vychavacielka skidielskaha dziciačaha sadka №1. U kadry maładaja dziaŭčyna tykaje ŭkazkaj u płakat ź infarmacyjaj pra vybary, jakuju chłopčyki i dziaŭčynki naŭrad ci mohuć pračytać. Cikava, ci viedali baćki, što ich dziaciej vykarystoŭvali ŭ jakaści masoŭki.

Siarod tych biudžetnikaŭ, chto zapisaŭ ahitki, adznačyłasia taksama kłasnaja kiraŭnica pryziora Alimpijady bijatłanista Antona Smolskaha.

 

@kopyl_life Taťjana MOROZ, učitiel anhlijskoho jazyka Hrozovskoj SŠ, kłassnyj rukovoditiel priziera Olimpijskich ihr v Piekina Antona Smolskoho: #biełaruś #kopyl #vybory #iedinyjdieńhołosovanija #25fievrala ♬ orihinalnyj zvuk - Kopyl_life

Tyktok-akaŭnt pad nazvaj «Ščučyn dla moładzi» apublikavaŭ rolik, u jakim dla manipulacyj vykarystali dzicia. Zhodna ź siužetam dziaŭčynka Sonia nie słuchajecca mamu — nie choča adkłaści telefon i iści chutčej, bo jany niekudy śpiašajucca. Kali žančyna ŭ čarhovy raz patrabuje pasłuchmianaści, dačka pytajecca, čamu ž joj treba vykonvać patrabavańni maci.

— Tamu što ja darosłaja.

— A ty na vybary pojdzieš?

— Sonia, u mianie zusim niama na heta času!

— Tady jakaja ž ty darosłaja?!

 

@schuchin_young #JAVybiraju2024 #iedinyjdieńhołosovanija #Biełaruś #Ŝučin @Mołodiež Hrodnienŝiny ♬ orihinalnyj zvuk - schuchin_young

Centr kultury ŭ Białyničach zapisaŭ ahitku na scenie. Dziaŭčaty ŭ nacyjanalnych strojach i z ručnikami chodziać na fonie karty Biełarusi.

Potym žančyny ŭ stylizavanych pad nacyjanalnyja kašulach pačynajuć maksimalna vyrazna — jak starannyja pieršakłaśnicy na liniejcy, jakija vielmi imknucca nie zabyć ni słova, — pramaŭlać zavučany tekst.

— Zazirajučy ŭ zaŭtrašni dzień, my adzinyja ŭ ahulnym imknieńni žyć i pracavać na rodnaj ziamli…

Chočacca vieryć, što tekst stvaryŭ štučny intelekt, jaki prosta sabraŭ usie naratyvy prapahandy razam.

 

@belinichi_rck #Biełyniči #rck #vybory2024 #iedinyjdieńhołosovanija #čiellendž ♬ orihinalnyj zvuk - Cientr_kultury_Biełyniči

A voś supracoŭniki Rečyckaha mietyznaha zavoda, vidavočna, adnieślisia da zdymkaŭ videa z dušoj. Žančyny farbujuć vusny čyrvonaj pamadaj i, vilajučy ściohnami, iduć pa kalidory. Ich bačać prostyja rabaciahi, jakija chočuć pajści razam ź simpatyčnymi žančynami. Pačuŭšy, što kampanija idzie na vybary, mužčyny radasna dastajuć pašparty.

 

Darečy, intymnyja namioki čas ad času sprabujuć vykarystoŭvać u videa-ahitkach. Naprykład, u roliku Biełaruskaha dziaržaŭnaha miedycynskaha kaledža chłopiec ź dziaŭčynaj vyrazna hladziać to adno na adnaho, to niekudy ŭbok. Tekst pry hetym taki: «Chaču pačuć ad jaje try hałoŭnych słova… Ja idu hałasavać!»

 

@bsmc.by #25fievrala #dieputaty #BHMK #miediki #vybory2024 #iźbiratiela ♬ WHY IS MY SOUND POPULAR WHAT -

Svoj varyjant źniaŭ taksama Rahačoŭski małočna-kansiervavy kambinat.

Pamiatajecie videa z katami, adzin ź jakich z ašalełymi vačyma miaŭkaje niešta druhomu? Imavierna, miem spadabaŭsia niekamu z kiraŭnictva Čačerskaha rajvykankama. Bo ŭ tyktoku «Čačersk aficyjny» źjavilisia hetyja viadomyja katy. Ich dyjałoh vyhladaje maksimalna krynžova.

— Ty idzieš hałasavać 25 lutaha?

— Tak.

— Ja taksama chaču pajści.

— Nam nieabyjakavaja budučynia našaj krainy.

@chechersk_oficialnii A ty idioš hołosovať? #vybory2024 #čiečiersk_oficialnyj #iedinyjdieńhołosovanija #iaidunavybory #riek #fyp ♬ orihinalnyj zvuk - chechersk_oficialnii

Kamientary9

  • Mch
    12.02.2024
    Karaciej, kretyniŭščyki.
  • Vład
    12.02.2024
    I vied́ pojdut! Dla toho dosročnoje hołosovanije i pridumano!
  • Vybory-vybory
    12.02.2024
    U začosa, koniečno, krinž - eto tradicija. Vsia eta propahanda vyzyvajet otvraŝienije i hoŕkij śmiech. Odnako, u mienia taki jesť vopros o vyborach - a počiemu KR do sich por nie naznačili datu i nie načali iźbiratielnuju kampaniju? Potomu kak krinž krinžiem, no raby začosa chotia by imitaciju sdiełajut, a čto u nas?

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Čarha lehkavych aŭto na ŭjezd u Polšču ź Biełarusi pavialičyłasia ŭ čatyry razy5

Juryj Čyž pajšoŭ u rasijski sud, kab pazmahacca za svoj małakazavod u Hielendžyku

Jak transhiendar abvaliŭ prodažy samaha papularnaha amierykanskaha piva15

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam23

Nie rabicie hetuju pamyłku ŭ zachoŭvańni chleba5

Nazirajecca maštabny zboj elektroniki pa ŭsim śviecie. Aeraporty admianiajuć paloty13

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →