Litoŭski Departamient mihracyi pryniaŭ rašeńnie zabaranić hramadzianinu Biełarusi, byłomu supracoŭniku milicyi Alaksandru Macijeviču ŭjezd u Litvu na toj padstavie, što jon ujaŭlaje pahrozu dziaržaŭnaj biaśpiecy, paviedamiła ahienctva BNS.
«Atrymaŭšy infarmacyju ab tym, što hety čałaviek ujaŭlaje pahrozu dla dziaržaŭnaj biaśpieki, Departamient mihracyi pryniaŭ rašeńnie zabaranić ujezd u krainu hetamu inšaziemcu», — paviedamiŭ pres-sakratar Departamienta Rokas Pukinskas.
Były lidski milicyjant Alaksandr Macijevič, jaki ŭ 2020 hodzie ŭdzielničaŭ u represijach suprać pratestoŭcaŭ, kala 1,5 hoda žyŭ u Litvie i zajmaŭsia ŭstanoŭkaj voknaŭ. Infarmacyju pra jaho vyjaviła arhanizacyja «Biełpoł», jakaja pieradała infarmacyju litoŭskim orhanam.
1 lutaha 2024 hoda Departamient mihracyi paviedamiŭ, što pryniata rašeńnie ab pazbaŭleńni hramadzianina Biełarusi Alaksandra Macijeviča časovaha dazvołu na žycharstva ŭ Litvie, pakolki jon nie zadavalniaje ŭmovam, jakija dziejničajuć u dačynieńni da asob, jakim vydajuć taki dakumient. Macijevič, nie čakajučy dalejšaha raźvićcia padziej, nieadkładna viarnuŭsia nazad u Biełaruś.
Pavodle infarmacyi MUS Litvy, pieršy raz Macijevič pryjechaŭ u Litvu z Polščy, u jaho była nacyjanalnaja viza inšaj krainy Jeŭrasajuza. U listapadzie 2022 hoda, kali jamu vydali dazvoł na žycharstva, nie było źviestak pra toje, što jon moža ŭjaŭlać pahrozu nacyjanalnaj biaśpiecy Litvy.
«Palitykam treba prajaŭlać adkaznaść, a biełarusy pavinny intehravacca». Cichanoŭskaja prakamientavała kiejs Macijeviča
Siłavik, jaki ŭdzielničaŭ u represijach, akazaŭsia ŭ Jeŭropie. Ci mahli jaho tam zatrymać?
Departamient dziaržaŭnaj biaśpieki Litvy patłumačyŭ, jakich biełarusaŭ ličyć pahrozaj dla krainy
«Kali danych nie znajšli, to, mahčyma, ich naohuł nie było». Litoŭski ministr patłumačyŭ, jak milicyjant Macijevič moh prajści praz pravieračnaje sita
«Kali takich ludziej buduć sotni i tysiačy, my sutykniemsia z surjoznaj pahrozaj». Kiejs byłoha milicyjanta Macijeviča ŭzrušyŭ litoŭskich palitykaŭ
Major milicyi, jaki ŭdzielničaŭ u represijach u 2020 hodzie, bolš za hod žyŭ i pracavaŭ u Litvie. Jaho vykryła dyjaspara
U Biełarusi ŭžo niekalki viečaroŭ prablemy ź internetam. Raskazvajem, što adbyvajecca4
Kamientary