Kankurentka Trampa na prajmieryz paprasiła Sakretnuju słužbu pra abaronu z-za pahrozaŭ
Žurnalistam nie adkazali na pytańnie, jakija mienavita pahrozy Niki Chejli atrymlivała.
Kandydat u prezidenty ad respublikancaŭ Niki Chejli padała zajaŭku na abaronu ŭ Sakretnuju słužbu z-za vialikaj kolkaści pahroz, jakija jana atrymała, piša WSJ.
Chejli źjaŭlajecca hałoŭnym supiernikam Donalda Trampa na vyłučeńnie ad Respublikanskaj partyi ŭ 2024 hodzie.
Žurnalistam WSJ Chejli zaćvierdziła zajaŭku na abaronu: «U nas było šmat prablem. Heta nie pieraškodzić mnie rabić toje, što ja pavinna rabić».
Prośba ab abaronie była padadzienaja fiederalnym čynoŭnikam. Žurnalistam nie adkazali na pytańnie, jakija mienavita pahrozy jana atrymlivała.
U kancy minułaha tydnia ŭ Kałumbii, što ŭ Paŭdniovaj Karalinie, nieviadomuju žančynu schapiŭ supracoŭnik pryvatnaj achovy Chejli, kali jana sprabavała vybiehčy na scenu.
Na jaje mierapryjemstvach taksama byli pratestoŭcy, aburanyja tym, što Chejli padtrymlivaje Ukrainu i Izrail.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary