Biełaruś moža spynić tranzit rasijskaj elektryki ŭ Kalininhradskuju vobłaść
Pra heta havorycca ŭ zajavie respublikanskaha unitarnaha pradpryjemstva elektraenierhii «ADU», jakoje ŭvachodzić u skład dziaržaŭnaha kancerna «Biełenierha».
Pra heta havorycca ŭ raspaŭsiudžanaj 4 studzienia zajavie respublikanskaha unitarnaha pradpryjemstva elektraenierhii «ADU», jakoje ŭvachodzić u skład dziaržaŭnaha kancerna «Biełenierha».
Jak adznačajecca ŭ zajavie, «da hetaha času rasijskija enierhietyčnyja kampanii AAT «FSK JEES» i «Inter RAO JEES» nie ŭzhadnili ź biełaruskim bokam umovy tranzitu elektraenierhii pa terytoryi Biełarusi dla enierhazabieśpiačeńnia spažyŭcoŭ Kalininhradskaj vobłaści i dla kamiercyjnych pastavak u krainy Bałtyi».
Razam z tym «taki tranzit rasijski bok ažyćciaŭlaje», zajaŭlajuć u RUP «ADU». Pa stanie na 4 studzienia 2010 hoda ab`iom niesankcyjanavanaha tranzitu skłaŭ kala 39,5 młn kVt-hadz.
«Hetyja dziejańni rasijskaha boku vymušajuć biełaruski bok razhladać miery pa spynieńni niesankcyjanavanaha kamiercyjnaha pieramiaščeńnia elektraenierhii praź sietki biełaruskaj enierhasistemy, što moža pastavić pad pahrozu nadziejnaje enierhazabieśpiačeńnie spažyŭcoŭ Kalininhradskaj vobłaści, u tym liku nasielnictva», — havorycca ŭ paviedamleńni.
Dzianis Mieljancoŭ i jaho reałpalityk: jon sapraŭdy pamianiaŭ pohlady ci prosta raniej maskiravaŭsia?47
Kamientary