Siły śpiecapieracyj praciahvajuć znachodzicca na ŭkrainskaj miažy
Asnoŭnaja meta — zabieśpiačeńnie biaśpieki hramadzian Biełarusi, pierasiačeńnie parušeńnia dziaržmiažy, vyklučeńnie kanałaŭ pastaŭki zbroi i bojeprypasaŭ. Pad achovaj važnyja abjekty, u tym liku darohi i puciepravody, paviedamlaje Minabarony ŭ svaim telehram-kanale.
Kompleks mierapryjemstvaŭ, nakiravanych na supraćdziejańnie mahčymym pahrozam, pravodzicca na ŭčastkach pa pierymietry paŭdniovaj častki krainy. Na hetym napramku zadziejničany asabovy skład sił śpiecyjalnych apieracyj Uzbrojenych Sił. Asablivuju ŭvahu asabovy skład udzialaje rabocie na kantrolna-prapusknych punktach.
«Padraździaleńni Uzbrojenych sił, jakija znachodziacca na ŭzmacnieńni ŭčastkaŭ dziaržaŭnaj hranicy Respubliki Biełaruś, nikomu nie pahražajuć, ale pry hetym nadziejna abaraniajuć Radzimu, jaje suvierenitet, terytaryjalnuju cełasnaść. Miascovaje nasielnictva viedaje abstanoŭku na sumiežnaj terytoryi i razumieje, što biełaruskija vajskoŭcy harantujuć biaśpieku krainy», — havorycca ŭ paviedamleńni.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary