Śmiešny vypadak u Homieli: sa skulptury Mašy i miadźviedzia źnikła… Maša
Toje, što skulptury niama na zvyčajnym miescy, zaŭvažyli na miascovym dziaržtelebačańni. Aficyjnych tłumačeńniaŭ pakul niama.
Zatoje ŭ telehram-kanale telebačańnia zapuścili apytanku, ci nie źlacieła Maša ŭ Jehipiet, ci nie syšła hulać, piša vydańnie «Štodzień».
Infarmacyja pra toje, što ŭ skvieryku Hramyki (nieaficyjnaja nazva Pijanierski) źjavicca skulpturnaja kampazicyja z rasijskaha multfilma, źjaviłasia ŭ listapadzie 2020 hoda.
Kampazicyju z dvuma hierojami i falšyvaj sažałkaj acanili tady ŭ 10 tysiačaŭ rubloŭ, taksama razvažali pra ŭstaloŭku dvuch vaŭkoŭ z pakryškaj.
Vynikovaja skulptura maje ŭmoŭnaje padabienstva z hierojami multfilma.
Žychary Homiela nieadnarazova źviartalisia da miascovych uładaŭ z zaklikami i patrabavańniami pierastać raźmiaščać u skviery novyja płastykavyja makiety i skulptury ź nizkaj mastackaj vartaściu.
Kamientary