Na 87-m hodzie pajšoŭ z žyćcia Hieroj Sacyjalistyčnaj Pracy, były staršynia kałhasa imia Łamanosava Hienrych Michajłavič Traćciak — čałaviek, jaki biaźmiežna lubiŭ svaju małuju radzimu. Z 2012 hoda Hienrych Traćciak sprabavaŭ na svaju piensiju adradzić znakamituju siadzibu Bochvicaŭ u Lachavickim rajonie, piša bar24.by.
Hienrych Traćciak pracavaŭ staršynioj kałhasa imia Łamanosava ŭ Lachavickim rajonie. Vyjšaŭšy na piensiju, jon kupiŭ u 2012 hodzie zakinutuju siadzibu Bochvicaŭ u Flerjanovie. Usiaho za adnu bazavuju vieličyniu. Tady jon pryznaŭsia, što ŭ hetaha miesca asablivaja enierhietyka, i jaho treba abaviazkova zachavać.
— Ja braŭ siadzibu nie dla taho, kab zajmacca kamiercyjaj. Chočacca zachavać pryrodu, pasadžanyja dubki, architekturu, — raspaviadaŭ u 2015 hodzie Hienrych Traćciak. — Tut samo pavietra hajučaje, jano i mianie lečyć ad usich starečych zachvorvańniaŭ.
Dapamohi Hienrych Michajłavič ni ŭ koha nie prasiŭ, «tolki kab nie pieraškadžali». Usio sprabavaŭ zrabić samatuham.
Kaliści ŭ siadzibie raźmiaščałasia praŭleńnie kałhasa imia Łamanosava, a Hienrych Traćciak prapracavaŭ tut 28 hadoŭ staršynioj.
U 1997 hodzie jon pajšoŭ na piensiju. Novy staršynia pieravioŭ kantoru ŭ inšy budynak. Siadziba Flerjanova prastajała biezhaspadarnaj 14 hadoŭ. Da pakupki, jaje rabavali i łamali vandały.
Hienrych Traćciak kožny miesiac vydatkoŭvaŭ na adnaŭleńnie siadziby 50% svajoj piensii.
Čym znakamitaja siadziba ŭ Flerjanovie
Siadzibu pabudavaŭ syn viadomaha fiłosafa i piśmieńnika Fłaryjana Bochvica — Jan Otan Bochvic u nazvanaj tady vioscy Paŭlinava. Sam Jan Bochvic byŭ vybitnaj asobaj, prajšoŭ Krymskuju vajnu, udzielničaŭ u paŭstańni 1863-1864 hadoŭ. Hod adsiadzieŭ u turmie.
Siadzibu Jan atrymaŭ, kali viarnuŭsia na radzimu, u spadčynu ad svajho baćki. U honar jaho jon paźniej i nazvaŭ jaje — Flerjanova. Pry pierabudovie jon raźbiŭ vialiki park vakoł doma. Heta stvarała ŭražańnie, byccam siadziba litaralna patanaje ŭ listocie. Budaŭnictva było skončana ŭ 1870 hodzie.
Na čas leta haspadar zdavaŭ pakoj. Siarod ludziej, jakija haściavali ŭ Jana Bochvica, byli Rejtany, Radziviły, Eliza Ažeška, jakaja ŭ 1908 hodzie vybrała hetaje miesca dla svajho adpačynku i šmat inšych.
U 1915 hodzie haspadar Jan Bochvic pamior, i majontak pierajšoŭ da jaho syna Tadevuša. Tadevuš vielmi zachaplaŭsia historyjaj i žurnalistykaj. Jon sabraŭ šyrokuju biblijateku, u jakoj, jak śćviardžajuć historyki, znachodzilisia ekzemplary ŭsich časopisaŭ, jakija vydavalisia na toj momant va ŭsim śviecie.
U Biełarusi nazirajucca prablemy ź internetam. Voś što pišuć pra heta ludzi1
Kamientary