«Mianie faktyčna pasłali z bombaj na śmierć». Trepava, što ŭzarvała vajenkara ŭ Pieciarburhu, vystupiła z apošnim słovam
Raniej prakuror zapytaŭ dla 26-hadovaj dziaŭčyny 28 hadoŭ źniavoleńnia.
U Druhim zachodnim akruhovym vajskovym sudzie Pieciarburha z apošnim słovam pierad prysudam vystupiła Darja Trepava, jakuju abvinavačvajuć u zabojstvie «vajenkara» Uładlena Tatarskaha, piša «Dožd́».
Jana skazała, što škaduje pra toje, što adbyłosia, i vybačyłasia pierad paciarpiełymi, jakija «pieražyli bol i žach» u kafe paśla vybuchu bomby.
«Mnie chočacca padtrymać vas zaraz u tym, praz što vy prachodzicie. Adzin siabar skazaŭ mnie, što Boh zaŭsiody padtrymlivaje nas na našym šlachu i idzie pobač z nami. I nam treba pasprabavać zachavać siabie», — skazała Trepava, źviartajučysia da adnoj z paciarpiełych.
Kamientujučy abvinavačańnie, dziaŭčyna skazała, što jana davieryłasia žurnalistu Ramanu Papkovu, i kali b u spravie zachavałasia pierapiska z arhanizatarami, to jaje sudzili b zaraz «za što zaŭhodna, ale nie za terakt»: «Mianie faktyčna pasłali z bombaj na śmierć».
Trepava adznačyła, što z samaha pačatku supracoŭničała sa śledstvam i raskazała ŭsio, što viedaje. Vinu jana nie pryznaje i prosić sud adpravić spravu na daśledavańnie, a taksama źniać abvinavačańnie pa artykułach ab terakcie i zachoŭvańni zbroi.
Prakuratura zapytała 28 hadoŭ kałonii dla Trepavaj, a taksama adzin hod i 10 miesiacaŭ — dla Dźmitryja Kasincava, u kvatery jakoha jana znachodziłasia paśla vybuchu. Prysud abvieściać 25 studzienia.
Vybuch u kaviarni Pieciarburha, u vyniku jakoha zahinuŭ Tatarski, adbyŭsia 2 krasavika. Pa viersii śledstva, Trepava pryniesła na sustreču z Tatarskim statuetku, jakaja ŭzarvałasia, zabiŭšy «vajenkara» i paraniŭšy 52 čałavieki.
Paśla hetaha jana, jak śćviardžaje śledstva, pasprabavała schavacca ŭ kvatery ŭ Kasincava.
Pa słovach samoj Trepavaj, jana nie viedała, što ŭ statuetcy znachodzicca vybuchoŭka. Na adnym z pasiadžeńniaŭ jana kazała, što zadańnie paznajomicca z Tatarskim dali joj Papkoŭ, jaki pražyvaje va Ukrainie, i čałaviek ź psieŭdanimam Hieštalt.
-
«U Hruzii niama zacemientavanaj aŭtarytarnaj dziaržavy z žorstkaj viertykallu». Biełarus raskazaŭ, u čym śpiecyfika hruzinskich pratestaŭ
-
Pa damoŭlenaści ź siryjskimi paŭstancami bajcy kurdskich Siryjskich demakratyčnych siłaŭ pakinuli rajon Alepa
-
Rasśledavańnie krušeńnia samalota DHL u Vilni: Dokazaŭ teraktu niama
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha16
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary