Siłaviki zatrymali žychara Baranavičaŭ Vitala Koršuna z-za kamientaroŭ u čatach. Videa ź im apublikavaŭ praŭładny telehram-kanał. U vieraśni 2021 hoda sud užo adpraŭlaŭ Vitala pad aryšt na dva miesiacy z-za paviedamleńnia pad pastom pra vajskoŭca, piša «Miedyjazona».
Na videa siłavikoŭ Vital Koršun kaža, što «zaklikaŭ učyniać hvałt nad supracoŭnikami AMAPa, prosta na emocyjach». Pierad kamieraj jon staić u kajdankach.
Pa jakim mienavita artykule zatrymany žychar Baranavičaŭ i što ź im zaraz, nieviadoma. Aŭtary blizkaha da siłavikoŭ kanała pišuć, što «za zakliki terarystyčnaha charaktaru jon moža pravieści za kratami da 12 hadoŭ pazbaŭleńnia voli».
U 2021 hodzie Vitala Koršuna sudzili pa artykule ab umiašańni ŭ dziejnaść supracoŭnika orhanaŭ unutranych spraŭ (artykuł 365 KK). Tady jon, pavodle viersii abvinavačańnia, napisaŭ u telehram-čacie «Baraŭki 97%» pad fota vajskoŭca Siarhieja Bałabanoviča kamientar: «A chto heta? AMAP? Tady prapanuju spalić jaho kvateru, skažycie adras».
U Biełarusi ŭžo niekalki viečaroŭ prablemy ź internetam. Raskazvajem, što adbyvajecca3
Kamientary