Sioleta ŭ biełaruskim futbole adznačajucca dźvie jubilejnyja daty, jakija pryśviečany pośpiecham minskaha «Dynama» ŭ čempijanatach SSSR. U 1963 i 1983 hadach staličnyja futbalisty zavajavali bronzavyja ŭznaharody ŭsiesajuznaha pieršynstva pa futbole.
Častkova padziei tych užo dalokich hadoŭ znajšli adlustravańnie ŭ novym vydańni — «Usie matčy maskoŭskaj kamandy CSKA i minskaj kamandy «Dynama», piša football.by.
Uspomnić usie sustrečy armiejcaŭ i dynamaŭcaŭ z 1940 pa 1991 hady i zaklikany hety prajekt. Akramia samich pajadynkaŭ u vydańni prasočvajecca i losy futbalistaŭ, jakija abaraniali kolery kamand, i trenieraŭ, jakija kiravali hetymi kalektyvami ŭ roznyja pieryjady futbolnaj historyi.
Jak mahli aŭtary, addali im daninu pavahi za ŭkład u raźvićcio ajčynnaha futboła, bo mnohija ź ich jašče pry žyćci stali lehiendami.
Taki maštabny prajekt na postsavieckaj prastory ažyćciaviŭsia dziakujučy addanamu zaŭziataru armiejcaŭ, maskviču Alaksieju Hryhorjevu i daśledniku historyi biełaruskaha futboła Alaksandru Tominu.
Dva tamy, siamsot staronak, sotni redkich fatahrafij, ekskluziŭnaja statystyka i skany futbolnych prahram, usio heta vykanana ŭ jakasnym, palihrafičnym afarmleńnie, piša football.by.
Vydańnie možna nabyć u kniharni «Akademkniha» (Minsk, pr-t Niezaležnaści, 72)
Łukašenka: Bamžoŭ, darmajedaŭ u krainie nie budzie7
Kamientary