Pratestoŭcy ŭ Abchazii pasprabavali ŭziać šturmam budynak parłamienta
Raniej tam adkłali razhlad inviestycyjnaha pahadnieńnia z Maskvoj
Parłamient samaabvieščanaj Abchazii nie zaćvierdziŭ Paradak dnia pasiadžeńnia i skasavaŭ siesiju, paviedamlaje «Novaja hazieta. Jeŭropa».
Abchazskija ŭłady mieli namier razhledzieć na joj prajekt inviestycyjnaha pahadnieńnia pamiž Suchumi i Maskvoj, jaki vyklikaŭ pratesty. Na fonie skasavanaha pasiadžeńnia apazicyjaniery pasprabavali prarvacca ŭ budynak parłamienta, ale byli spynienyja siłavikami.
Da budynka pryhnali mašynu pažarnych. Adzin ź lidaraŭ pratestoŭcaŭ Adhur Ardzinba źviarnuŭsia da ŭładaŭ z zaklikam «adkłaści ŭsie vostryja pytańni da budučych prezidenckich vybaraŭ».
«Kali ŭłada nie pojdzie na heta, usia adkaznaść za mahčymyja nastupstvy ŭ najbližejšyja dni całkam kładziecca na prezidenta Abchazii Asłana Bžanija i jahonaje atačeńnie», — napisaŭ jon
Abchazskija ŭłady razhladajuć inviestycyjnaje pahadnieńnie pamiž Suchumi i Maskvoj jak stymuł dla ekanomiki, praciŭniki dakumienta ličać dahavor «pramoj zdačaj intaresaŭ» Abchazii.
Kamientary