Minčanka raskazała, jak zmahła pravieźci ježu praź biełaruska-litoŭskuju miažu
Łajfchak realna spracavaŭ, baćki atrymali łasunki.
Nahadajem: z 3 červienia 2024 hoda Litva zabaraniła ŭvozić amal lubyja pradukty charčavańnia i napoi ź Biełarusi. Pieršyja dni litoŭskija mytniki da hetaha stavilisia vielmi žorstka (byli navat situacyi, kali prymušali vykidać pakusany jabłyk), ale potym umovy ŭsio ž źmiakčyli, dazvoliŭšy vieźci ssabojki.
Minčanka Volha padzialiłasia ŭłasnym dośviedam. Pačałosia ŭsio z taho, što jaje maci, jakaja žyvie va Francyi, paprasiła dačku dasłać nieabchodnyja leki (u toj krainie patrebnyja nie pradajucca). Tearetyčna možna było zamović ich va Ukrainie, ale z ulikam dastaŭki leki kaštavali b u 3-4 razy daražej, čym kali nabyć ich u Biełarusi i dasłać samastojna ź Litvy.
— Ja pahadziłasia heta zrabić. Kaniečnie, mnie nie chaciełasia hublać mahčymaść pieradać tatu jaho lubimy ziefir u šakaładzie — chacia b krychu, bo ŭ Francyi takoha niama.
Tamu razam ź lekami Volha spakavała ŭ pasyłku šmat prysmakaŭ.
— A šostaj ranicy ja stajała na vakzale i čakała aŭtobus. Užo praz 8 hadzin, ja apynułasia ŭ Vilni.
Pamiežniki pasyłkaj nie cikavilisia. Pieršapačatkova dziaŭčyna płanavała adpravić pasyłku praz DHL Express, ale hetaja słužba dastaŭki šakiravała biełarusku koštam. Za pasyłku vahoj 2 kiłahramy joj prapanavali zapłacić 80 jeŭra.
U vyniku Volha skarystałasia pasłuhami dziaržaŭnaj pošty Litvy. Tam košt byŭ bolš pryjemnym (18 jeŭra), ale papiaredzili, što ŭ siarednim pasyłka pa Jeŭropie idzie kala tydnia. Błohierka nie śpiašałasia, tamu ŭmovy jaje całkam zadavolili.
Amierykanka raskazała, jak vykładała va ŭniviersitecie ŭ Viciebsku i navat dała paru ŭrokaŭ milicyi1
Kamientary