Siońnia ŭ Muziei Jakuba Kołasa buduć raskazvać histaryčnyja i litaraturnyja aniekdoty pra biełaruskich kłasikaŭ
Siońnia, 12 śniežnia, u Dziaržaŭnym litaraturna-miemaryjalnym muziei Jakuba Kołasa ŭ miežach muziejnaha prajekta «Prostyja słovy» adbudziecca vystupleńnie daśledčyka biełaruskaj litaratury Siarhieja Šaprana «Kołas, Kupała i «Maładniak» u žanry litaraturnaha aniekdota», piša Reform.by
Što jość litaraturny, što jość histaryčny aniekdot?
Takija aniekdoty — heta svojeasablivyja pobytavyja i histaryčnyja chroniki, časam dakładnyja, časam mifałahizavanyja. Bieź ich bytapisańnie luboj nacyi niapoŭnaje choć by tamu, što piersanažy tut — pieravažna asoby, jakija nie majuć patreby ŭ pradstaŭleńni.
Razmova pojdzie najpierš pra pieśniaroŭ Jakuba Kołasa i Janku Kupału, a taksama pra ich sučaśnikaŭ: Źmitraka Biadulu, Uładzimira Duboŭku, Andreja Aleksandroviča, Symona Baranavych, Pietrusia Broŭku, Piatra Hlebku, Kandrata Krapivu, Maksima Łužanina.
Z čaho žartavali amal stahodździe tamu i jakija zabaŭnyja (a časam i dramatyčnyja) historyi zachavalisia ŭ archivach hetaha, na pieršy pohlad, niesurjoznaha žanru?
Siarhiej Šapran užo dvaccać hadoŭ kalekcyjanuje biełaruskija histaryčnyja i litaraturnyja aniekdoty. Jon aŭtar knihi «Biełaruski histaryčny aniekdot», pieršaha vydańnia ŭ žanry histaryčnaha aniekdota, dzie sabrany časam dakładnyja, časam mifałahizavanyja kamičnyja i dramatyčnyja historyi z žyćcia viadomych biełaruskich litarataraŭ i dziejačaŭ kultury.
Data: 12 śniežnia
Čas: 18.00
Miesca: Minsk, vulica Akademičnaja, 5
Košt uvachodnaha bileta — 5 rubloŭ.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary