Matč čempijanatu Ispanii spynili z-za śmierci zaŭziatara na trybunach
Padčas futbolnaj hulni «Hranady» z «Atletyk Bilbaa», što adbyłasia ŭ niadzielu 10 śniežnia, u adnaho z fanataŭ spyniłasia serca.
Hulniu, jakaja prachodziła ŭ andałuskim horadzie Hranada, pierapynili na 18-j chvilinie (lik tady byŭ 0:1 na karyść «Atletyka»).
Na poli ŭvahu na śmierć zaŭziatara źviarnuli dziakujučy bramniku «Atletyka» Unai Simonu, piša Sports.ru. Jon sihnalizavaŭ pamočniku sudździ i nastajaŭ, kab matč pierapynili. Zaŭziatary «Hranady» apładziravali bramniku zbornaj Ispanii i skandavali «Unai, Unai».
Zaŭziatara sprabavali reanimavać dziažurnyja daktary na stadyjonie. Toje, što adbyvałasia, ad inšych prysutnych zakryvali praścinaj — pa praviłach biaśpieki, čałavieka ŭ niestabilnym stanie nielha było evakujavać. U niejki momant čałavieka ŭdałosia stabilizavać, daktary jaho źvieźli, ale vyratavać nie zmahli.
Matč vyrašyli nie praciahvać. Pra datu, kali jaho dahulajuć, budzie viadoma paźniej.
Biełarusa Illu Škuryna nazvali najlepšym hulcom listapada ŭ polskim čempijanacie
Biełaruskamu futbalistu płacili pa $5 tysiač na miesiac, ale nie vypuskali na pole — absurdnaja palityčnaja historyja
Ukrainska-biełaruski futbalist Arciom Mileŭski, stan jakoha chvalavaŭ zaŭziataraŭ, apublikavaŭ svaje novyja foty
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary