U Minsku staviać kantejniery dla zboru ŭpakoŭki ad čypsaŭ i sucharykaŭ. Jak heta pracuje i što potym zrobiać z hetym śmiećciem?
U minskich kramach stali źjaŭlacca kantejniery dla zboru ŭpakoŭki ad čypsaŭ i sucharykaŭ. Dla čaho heta treba i jak pracuje? Blizko.by vyvučyŭ kantejnier i vyśvietliŭ, nakolki heta karysnaja sprava.
Što prydumali?
Heta takaja rekłamnaja akcyja, jakuju pravodzić vytvorca čypsaŭ, snekaŭ i sucharykaŭ. Ale karyść ad jaje našmat bolšaja, čym prosta kamiercyjny efiekt.
Vy prynosicie ŭ kantejnier upakoŭku ad čypsaŭ — a vytvorca adpravić jaje na pierapracoŭku. Akcyja pravodzicca z 1 listapada, ale kantejniery dla zboru źjavilisia nie paŭsiul za adzin raz, a pastupova. Na hetym tydni byŭ zaŭvažany kantejnier u kramie «Santa» na praśpiekcie Haziety «Praŭda» na paŭdniovym zachadzie.
Što heta za kantejniery
Kampanija nazyvaje svoj kantejnier słovam «pačkamat», čym unosić niekatoruju błytaninu ŭ terminałohiju. U ich razumieńni pačkamat — heta skrynka dla zboru pačkaŭ ad čypsaŭ. Miž tym, hetaje ž słova ŭžo na ŭsiu moc vykarystoŭvajecca ŭ ruskaj movie dla abaznačeńnia aŭtamataŭ dla atrymańnia pasyłak u Polščy: Paczkomat, jon ža automat paczkowy. Choć u nas, u samoj Biełarusi, a taksama ŭ inšych krainach, dzie ruskaja mova vykarystoŭvajecca vialikaj kolkaściu ludziej, takija aŭtamaty dla pasyłak nazyvajuć «paštamat» abo, radziej, «pastamat» (Postamat).
Błytanina nie tolki ŭ tym, što słova vykarystoŭvajecca dzieści siarod ruskamoŭnych ludziej u Polščy. Sam termin, jak i inšyja rodnasnyja jamu (toj ža paštamat abo bankamat), utvorany źlićciom dvuch asnoŭ: pieršaj («pačak», «pošta», «bank») i druhoj («mat»). I voś hetaja druhaja asnova «mat» — heta častka słova «aŭtamat» i śviedčyć pra toje, što pryłada pracuje ŭ aŭtamatyčnym režymie: paštamat sam, biez kasira, vydaje vam pasyłku, a bankamat sam, biez bankira, vydaje vam hrošy.
U vypadku ž z čypsavym pačkamatam ničoha aŭtamatyčnaha ŭ načyńni niama: heta prosta płastykavy kantejnier, ci prosta skrynia.
Jak karystacca hetym «pačkamatam»?
Na samoj skryni pryviedziena nieskładanaja instrukcyja, jak karystacca «pačkamatam». Vaźmicie pačak (pakiet) ad čypsaŭ abo sucharykaŭ, składzicie dva razy napałovu i prasuńcie ŭ ščylinu — tak i adbyvajecca «zapraŭka pačkamata», kažučy słovami arhanizataraŭ.
Pakolki heta rekłamnaja akcyja, to miarkujecca, što pakupniki stanuć ukidvać u «pačkamat» upakoŭku tolki ad firmovych čypsaŭ-snekaŭ-sucharykaŭ arhanizatara ŭsioj zadumy. Tym bolš, što ŭ niekatorych miescach Mienska hetyja pustyja firmovyja pački možna abmianiać na avośku, šklanku abo misku.
Ale hetych punktaŭ vydačy pryzoŭ dva dziasiatki na Minsk, a kantejnieraŭ — udvaja bolš. Adpaviedna, kala kožnaha druhoha takoha kantejniera nijakich padarunkaŭ nie vydajuć. Ale heta nie padstava nie prynosić siudy ŭpakoŭku ad čypsaŭ — kab zrabić horad i płanietu čyściejšymi, možna i pra padarunki zabycca.
Pry hetym praviłami nie zabaroniena kidać u kantejnier upakoŭku ad čypsaŭ inšych vytvorcaŭ — ci ŭvohule nie ad čypsaŭ. Žurnalisty Blizko.by, naprykład, vykinuli dźvie ŭpakoŭki ad sucharykaŭ roznych vytvorcaŭ i adnu — ad vaflaŭ. Bo vyrablenyja jany ŭsie pavodle adnolkavaha pryncypu: słai mietału i poliprapilenu źleplenyja pamiž saboj u svojeasablivy «buterbrod».
Što budzie dalej z hetymi ŭpakoŭkami?
Vytvorca paviedamlaje:
«Naša kamanda źbiraje z dapamohaj pačkamataŭ upakoŭku ad snekaŭ i adpraŭlaje na adzin z zavodaŭ u Zachodniaj Jeŭropie na pierapracoŭku. Takim čynam, upakoŭka nabyvaje druhoje žyćcio ŭ jakaści budaŭničych materyjałaŭ, štučnych futbolnych paloŭ, inšych vyrabaŭ i bolš nie škodzić płaniecie».
Ci jość u hetym niejki sens?
Dziaržaŭnaja ŭstanova «Apieratar druhasnych materyjalnych resursaŭ» na svaim sajcie ekałahičnaj inicyjatyvy target99.by piša:
«Upakoŭka ad čypsaŭ
Vykidać treba ŭ šery kantejnier
Upakoŭka ad čypsaŭ na siońniašni dzień nie pierapracoŭvajecca».
Taksama hetaja ŭpakoŭka nazyvajecca «samaj zładziejskaj, jakuju składana pierapracavać». I razam z tym, na hetym ža sajcie pra pakiety ad čypsaŭ skazana: «U nievialikaj kolkaści ŭpakoŭku z kambinavanych šmatsłojnych materyjałaŭ vykarystoŭvajuć biez padziełu na słai ŭ vytvorčaści tratuarnaj plitki, lukaŭ, budaŭničych materyjałaŭ. Ale heta — kropla ŭ mory».
Dyk usio ž taki jak: pierapracoŭvajecca ci nie?
Adkaz — tak, pierapracoŭvajecca, ale sapraŭdy ŭ vielmi nievialikich abjomach. Jašče ŭ 2017 hodzie navinavyja ahienctvy paviedamlali, što na pradpryjemstvie «Hrodzienski zavod pa ŭtylizacyi i miechaničnym sartavańni adchodaŭ» z takoha i inšych vidaŭ płastyku, jaki nie pierapracoŭvajecca, navučylisia rabić palimier-piasčanuju tratuarnuju plitku; taksama z vykarystańniem roznaj šalastkoj upakoŭki robiać naściły dla fiermaŭ i čyhunačnych pierajezdaŭ.
Ale, viadoma, niama nijakaj harantyi, što vaš pakiet ad čypsaŭ, vykinuty ŭ kantejnier dla płastyku ŭ Minsku, pajedzie ŭ Hrodna dla pieratvareńnia ŭ tratuar. Tamu, kali zajaŭlenaja vytvorcam čypsaŭ «pierapracoŭka na adnym z zavodaŭ Zachodniaj Jeŭropy» sapraŭdy budzie vykananaja, — to heta nievialiki, ale ŭsio ž układ u ekałohiju krainy. U takim vypadku ideju sa zboram pakietaŭ ad čypsaŭ možna razhladać jak karysnuju.
Čamu biełaruski jeduć naradžać u Arhiencinu i kolki heta kaštuje
«U miesiac — bolš za 2 tysiačy jeŭra». Dalnabojnica ź Minska raskazała, jak možna zarabić takija hrošy, pra siamiejny tandem i pryhody ŭ Jeŭropie
«Žančyna, vaźmicie fiejchoa!» Što i pa jakich cenach pradajuć na sielskahaspadarčych kirmašach Minska
U Biełarusi nazirajucca prablemy ź internetam. Voś što pišuć pra heta ludzi3
Kamientary