U Hrodnie aficyjantka plunuła ŭ stravu, i heta trapiła na VIDEA
Dziaŭčyna, jakaja pracuje aficyjantkaj u adnoj z ustanoŭ Hrodna, stała zorkaj sacsietak, ale słava jaje davoli śpiecyfičnaja. Videa miascovamu partału NewGrodno dasłali čytačy.
Na videa bačna, jak dziaŭčyna-aficyjantka pluje ŭ stravu. Paśla jana akuratna prybiraje niešta adtul spačatku palcam, a potym survetkaj. Dalej videa abryvajecca: vierahodna, talerku panieśli naviedvalnikam.
«Darečy, kalehi kažuć, što aficyjantka zdymała sama siabie. Navošta jana heta zrabiła, nichto nie viedaje», — raskazaŭ Newgrodno.by adzin z čytačoŭ.
Jašče adna krynica vydańnia paćvierdziła, što sprava sapraŭdy mieła miesca ŭ Hrodnie.
«Usie kalehi ŭ kursie taho, što adbyłosia. Jany ŭ šoku. Nichto nie moža zrazumieć pryčynu. A dziaŭčyna ŭ šoku ad taho, što asabistaje videa niejak vyciekła ŭ sieciva», — raskazaŭ Newgrodno.by čałaviek, znajomy ź situacyjaj.
Partał naŭmysna pakul nie paviedamlaje, pra jakuju mienavita ŭstanovu idzie havorka, adnak žurnalisty raźličvajuć atrymać kamientar ad jaje kiraŭnictva «Na moj zapyt čamuści nijakaj reakcyi nie było», — padzialiŭsia z partałam čytač.
Nie tak daŭno ŭ tym ža Hrodnie ŭ adnoj z ustanoŭ taksama byŭ padobny skandał, źviazany z tym, što ŭ stravach naviedvalnikaŭ apynulisia mucha i aparyš. Ale tam administracyja adreahavała apieratyŭna i pajšła nasustrač klijentam, prapanavaŭšy im kampiensacyju za niazručnaści.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary