Što budzie z taksi «Jandeks» paśla novaha ŭkazu ab pieravozčykach
Na naradzie ŭ Łukašenki pa prajekcie ŭkaza, jaki rehuluje śfieru aŭtamabilnych pieravozak pasažyraŭ, 15 listapada abmiarkoŭvali budučyniu internet-ahrehataraŭ taksi. Toj vykazaŭsia adnaznačna: zamiežnyja kampanii zmohuć praciahnuć pracu ŭ Biełarusi, zarehistravaŭšy tut jurydyčnuju asobu i raźmiaściŭšy sierviery na terytoryi našaj krainy ŭžo «da novaha hoda».
Office Life spytaŭ u adnaho z najbujniejšych hulcoŭ rynka, «Jandeks Go», jak paŭpłyvajuć na jaho pracu novyja patrabavańni.
— My adpaviadajem zajaŭlenym patrabavańniam: dostup da servisu «Jandeks Go» u Biełarusi daŭno dajecca biełaruskaj jurydyčnaj asobaj, a infarmacyjny resurs znachodzicca ŭ nacyjanalnym siehmiencie internetu i prajšoŭ adpaviednuju rehistracyju, — paviedamili ŭ «Jandeks Go».
U kampanii adznačyli, što zakanadaŭstva pavinna być aktualnym i spryjać raźvićciu śfiery pieravozak u krainie, zabiaśpiečvajučy pracoŭnyja miescy, a taksama dastupnaść pieravozak dla kožnaha pasažyra.
— Raniej my prapanoŭvali svajo bačańnie rehulavańnia śfiery. Častkova jano supadaje z ahučanymi patrabavańniami. I my hatovyja ŭdzielničać u dalejšaj raspracoŭcy, užyvajučy svoj mižnarodny vopyt.
U Biełarusi servis pastajanna pracuje nad pytańniami biaśpieki vadzicielaŭ i pasažyraŭ. Naprykład, u vadzicielskim dadatku jość sistemy anłajn– i afłajn-vieryfikacyi dakumientaŭ, technałohii manitorynhu chutkaści i stylu kiravańnia pry vykanańni zakazaŭ, a taksama biaspłatnaja prahrama dadatkovaha strachavańnia kiroŭcaŭ i pasažyraŭ.
Učora va ŭradzie ŭdakładnili, što novy ŭkaz pavinien zapracavać z druhoha paŭhodździa 2024 hoda.
«Krok naleva, krok naprava». Łukašenka vykazaŭsia pra pasažyrskija pieravozki
Łukašenka zahadaŭ usim firmam taksi pierajści ŭ biełaruskuju jurysdykcyju. A taksama źlivać infarmacyju pra pajezdki
KDB zavioŭ novuju maštabnuju spravu — ciapier suprać maršrutčykaŭ. Zatrymali 20 čałaviek
«U miesiac — bolš za 2 tysiačy jeŭra». Dalnabojnica ź Minska raskazała, jak možna zarabić takija hrošy, pra siamiejny tandem i pryhody ŭ Jeŭropie
«Uklučalisia šlacham šantažu i pahroz». Pa spravie maršrutčykaŭ KDB uziaŭsia za ahrehatar «Atłas»
Što prapanavać Łukašenku za palitviaźniaŭ? Sprečka Stryžaka z Chomič8
Kamientary
1) mieńšie piervonačalnych zatrat
2) otsutstvije nieobchodimosti otviečať na zaprosy
3) nikto nie znajet skolko jeŝio oni prorabotajut)))