Jano dazvolić u budučyni sfarmavać urad.
Lidary troch polskich apazicyjnych partyj i kaalicyj padpisali kaalicyjnaje pahadnieńnie, jakoje dazvolić u budučyni sfarmavać urad, piša Reform.by.
«Napiaredadni hadaviny zdabyćcia niezaležnaści možam pieradać dobruju, napoŭnienuju adkaznaściu za našu krainu, navinu. Praz chvilinu my hatovyja parafiravać tekst kaalicyjnaha pahadnieńnia, jakoje budzie dla nas zbornikam ukazańniaŭ i rekamiendacyj dla našaj pracy ŭžo paśla atrymańnia ad spadara prezidenta takoj mahčymaści», — skazaŭ kiraŭnik «Hramadzianskaj płatformy» Donald Tusk.
Bolš za ŭsich hałasoŭ na parłamienckich vybarach u Polščy nabrała kiroŭnaja partyja «Zakon i spraviadlivaść», adnak atrymanaja joju kolkaść deputackich mandataŭ nie dazvalaje stvaryć bolšaść u Siejmie. 248 z 460 mandataŭ sukupna dastalisia «Hramadzianskaj kaalicyi», «Treciaj darozie» (PSL i Polska-2050) i «Novym levym».
Paśla vybaraŭ prezident Andžej Duda pravioŭ sustrečy ź lidarami parłamienckich partyj. Tady jon skazaŭ, što nie pačuŭ ad apazicyi zajavy ab najaŭnaści ŭ jaje kaalicyjnaha pahadnieńnia. U vyniku jon daručyŭ farmavać urad premjer-ministru Matevušu Maravieckamu, adnak u hetaha ŭrada nievialikija šancy atrymać padtrymku Siejma.
U paniadziełak pavinna adbycca pieršaje pasiadžeńnie novaha składu polskaha Siejma.
Maraviecki maje dva tydni na farmavańnie ŭrada. Jaho skład pavinien być zaćvierdžany Siejmam. Kali Siejm adkinie kabiniet Maravieckaha, to prava vyłučyć kandydata na pasadu premjer-ministra atrymlivaje bolšaść u nižniaj pałacie, jakaja ŭ novym sklikańni pradstaŭlena «Hramadzianskaj kaalicyjaj», «Treciaj darohaj» i «Novymi levymi». Jany majuć namier vyłučyć na pasadu premjer-ministra Donalda Tuska.
-
Realii rasijskaj pravincyi: pakul muž byŭ na froncie, žonka pajšła da inšaha. Sužychar jaje zabiŭ i taksama pajšoŭ na vajnu
-
Izrail pravioŭ kibierataku na členaŭ «Chiezbały». Piejdžary 1200 bajevikoŭ adnačasova ŭzarvalisia prosta ŭ kišeniach VIDEA
-
Sałaŭjoŭ śćviardžaje, što za vybuchi pejdžaraŭ u Livanie adkazny izrailski ahient «Machšyr Kiešer». Rahoča ŭvieś internet
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj11
Kamientary