«A jak my jaho pra***li?» Padrabiaznaści treš-strymu ŭ Viciebsku, u vyniku jakoha pamior čałaviek
Uviečary 5 listapada padčas viciebskaha treš-strymu pamior čałaviek. Jon straciŭ prytomnaść paśla taho, jak nahbom vypiŭ butelku harełki. Zapis tranślacyi chutka vydalili, ale jaje frahmienty trapili ŭ sacsietki.
![Śmierć pad čas strymu Śmierť vo vriemia tranślacii Death while streaming](http://d3kcf2pe5t7rrb.cloudfront.net/img/w840d4webp1/photos/z_2023_11/1-lclty.jpg.webp)
Zjeści kapusny list, u jaki zahornuta zubnaja pasta i kašačy korm
Častki videastrymu, jaki skončyŭsia trahiedyjaj, źjavilisia ŭ adnym z telehram-kanałaŭ.
U strymie brała ŭdzieł kala dvanaccaci čałaviek. Siarod ich čatyry žančyny. Častka ŭžo była napadpitku, jak zaŭvažyŭ viadučy, «padzaradžanyja».
Hledačy mahli za danaty paprasić udzielnikaŭ nie tolki patancavać, ale i ździejśnić roznyja trešavyja ŭčynki. Naprykład, zjeści pakunak kormu dla katoŭ Whiskas, pakaštavać aparyšaŭ ci čarviakoŭ.
Siarod padrychtavanaha rekvizitu byli adnarazovyja brytvy (dla bryćcia noh mužčyn), pierac, cybula, kapusta, małako, piva, vino, zubnaja pasta i šprycy pa 50 i 100 mililitraŭ. Viadučy raspavioŭ, što «ŭ hety špryc zahaniajecca harełka ź piercam». «Jana tak horła dziare dobra. Ja na tym strymie pakaštavaŭ. Žorstka».
Nieŭzabavie znajšoŭsia achvotny pakaštavać Whiskas. Za dapłatu jon nie tolki jeŭ, ale i miaŭkaŭ. Zatym zapiŭ małako sa spodačka.
Adzin z hledačoŭ prapanavaŭ zapłacić dźvie z pałovaj tysiačy rasijskich rubloŭ (amal 70 biełaruskich) za toje, kab kankretny ŭdzielnik strymu zjeŭ kapusny list, u jaki była b zahornuta zubnaja pasta, kašačy korm z pakunku Whiskas, sol i pierac. I zamova była vykanana.
Hledačy prasili asobnych udzielnikaŭ raspavieści pra siabie, svaju maru, zrabić nadpis markieram na łbie.
Čakajučy novych zamovaŭ, udzielniki rabili staŭki na vyniki futbolnych matčaŭ, adno adnamu «davali łasia», mieralisia siłaju i viali pustyja razmovy. Za hrošy ŭdzielniki taksama tancavali.
«Spakojnaj nočy, Šluzik»
U niejki momant pryjšło paviedamleńnie: «Spakojnaj nočy, Šluzik. Jak «biełačka» pryjdzie, pračynajsia, rabi kantent». Ad udzielnika pa mianušcy Šluz (Alaksiej Kucis) patrabavałasia vypić 200 hram harełki. Za heta davali kala 70 biełaruskich rubloŭ (staŭka znoŭ nazyvałasia ŭ rasijskich rublach). Jak tolki papiarovy kubačak z harełkaju staŭ pusty, pastupiła prapanova paŭtaryć za stolki ž hrošaj.
Paśla taho, jak Šluz vypiŭ druhi raz i zapiŭ limanadam, udzielniki strymu zaŭvažyli, što jamu nie vielmi dobra. «Locha, ty dadomu dojdzieš?» — spytaŭ adzin. «Locha, ty žyvy?» — zachvalavaŭsia inšy. Było vidavočna, što mužčynu niadobra. Jon paprasiŭ vady.
Ale na hetym nie spynilisia. Ad hledačoŭ pastupiła prapanova, kab Šluz dapiŭ butelku. Za heta zapłacili pad 35 rubloŭ.
![Śmierć pad čas strymu Śmierť vo vriemia tranślacii Death while streaming](http://d3kcf2pe5t7rrb.cloudfront.net/img/w732d4webp1/photos/z_2023_11/2-ljki5.jpg.webp)
Ź ciažkaściu mužčyna vypiŭ. Ale jon nie pajšoŭ spać, a pačaŭ tancavać razam z prysutnaj žančynaju pad pieśniu, jakaja była zamoŭlena i apłačana da hetaha. Ale hledačy patrabavali, kab Šluz zasnuŭ. Viadučy abmiarkoŭvaŭ, dzie lepš pakłaści mužčynu.
Chvilin praź dziesiać, kali skončylisia tancy, udzielniki adčuli niepryjemny pach. Spačatku padumali na Šluza, ale paśla vyrašyli, što pach ad inšaha ŭdzielnika strymu, jaki taksama napiŭsia i jaho za niekalki chvilin da hetaha vyvieli z pakoju.
Tancy praciahnulisia. «Bie-ła-ruś!» — skandziravali mužčyny pad pieśniu «Mama Biełaruś».
U niejki momant vyrašyli abudzić Šluza. Bačačy, što ničoha nie atrymlivajecca, Šluza ściahvajuć z kanapy, i ŭ hety momant adna z žančyn zaŭvažaje: «Jeb***, jon sini».
«Nie ciahnicie!», «Oj, mamačka», — čuvać hałasy.
«Vyklikaj chutkuju!» — kryčyć viadučy.
«Pieraviarnicie jaho», — raić adna z žančyn.
«Bi pa mordzie», — prapanuje niejki mužčyna. Čuvać, što jaho prapanova vykonvajecca. Niechta intensiŭna bje.
«A jak my jaho pra***li?» — čuvać hołas viadučaha.
«Nu zrabi što-niebudź», — prosić niechta.
«My nie viedajem», — čuvać u adkaz.
Adna z žančyn pačynaje kryčać.
«Treba ŭ hrudzi bić», — prapanuje niejki mužčyna.
Žančyna praciahvaje bić pamierłaha pa ščokach.
«Tut strym, jak vyklučyć? Chutčej», — čuvać hołas niejkaha mužčyny, i videa zakančvajecca.
Siońnia Alaksieja Kucisa pachavali.
Čytajcie jašče:
«Jon prosta sini ŭžo». U Viciebsku padčas treš-strymu pamior čałaviek
Rasijskamu błohieru za śmierć dziaŭčyny padčas strymu dali šeść hadoŭ kałonii
-
«Ci nie zašmat vy na siabie ŭziali?» Cichanoŭskaja adkazała na vostryja pytańni pra status Nacyjanalnaj lidarki
-
«Vialiki čałaviek dla biełarusaŭ». Łukašenku paprasili nazvać vulicu ŭ Minsku ŭ honar savieckaha maršała
-
Ajcišnik z EPAM, jaki žyvie ŭ ZŠA, naviedaŭ Biełaruś. Ciapier jamu pahražaje da siami hadoŭ kałonii
Kamientary