«Jon prosta sini ŭžo». U Viciebsku padčas treš-strymu pamior čałaviek
U Viciebsku niekalki hadoŭ isnuje niekalki kanałaŭ na jutubie pra žyćcio miascovych prychilnikaŭ azartnych hulniaŭ. Pamiž rolikami pra padarožžy, pachody na futboł i roznyja davoli biaskryŭdnyja aktyŭnaści, arhanizatary ładzili treš-strymy, padčas jakich udzielniki za hrošy pili ałkahol i rabili roznyja zadańni. Čarhovaja tranślacyja skončyłasia trahiedyjaj.
![](http://d3kcf2pe5t7rrb.cloudfront.net/img/w840d4webp1/photos/z_2023_11/2023-11-06113707-w1si3.png.webp)
Adzin z takich kanałaŭ nazyvajecca «Okołokontory», u im krychu mienš za 5 tysiač padpisčykaŭ. Jon adhalinavaŭsia ad bolš paśpiachovaha kanała «Džentlmieny fartuny» z 56,5 tysiačy, ale hieroi ŭ abodvuch kanałaŭ adnyja i tyja ž — viciebskija łudamany i ałkaholiki.
Učora ŭviečary na kanale prachodziŭ strym, jaki skončyŭsia trahiedyjaj. U anonsie tranślacyi ŭdzielniki zajaŭlali, što hatovyja za hrošy rabić lubyja zadańni, u tym liku vypić nahbom butelku harełki.
![](http://d3kcf2pe5t7rrb.cloudfront.net/img/w732d4webp1/photos/z_2023_11/2023-11-06114430-6y463.png.webp)
Adzin z udzielnikaŭ zrabiŭ heta i adrazu straciŭ prytomnaść. Jaho pakłali na kanapu i praciahnuli strym. Praz praciahły čas hledačy zaŭvažyli, što čałaviek pasinieŭ, ale nichto nie reahavaŭ.
Kali źviarnuli ŭvahu, było ŭžo zapozna. Zapis tranślacyi z kanału apieratyŭna vydalili, ale pa telehram-kanałach raspaŭsiudžvajucca videa, jak čałavieka sprabujuć reanimavać.
![](http://d3kcf2pe5t7rrb.cloudfront.net/img/w732d4webp1/photos/z_2023_11/2023-11-06114642-pv4xf.png.webp)
Ranicaj na kanałach źjavilisia spačuvańni z nahody śmierci Alaksieja Kucisa pa mianušcy Šluźbiery.
![](http://d3kcf2pe5t7rrb.cloudfront.net/img/w732d4webp1/photos/z_2023_11/2023-11-06114423-pj2mg.png.webp)
Kamientary
Mohilev? Homiel? Briest?
ja vo mnohich horodach našich pobyvała. zdorovja vam, mužiki
[u mienia zdorovja užie prosto niet]