«Dzie biełaruski dziaržaŭny štučny intelekt?» Azaronak ź Piatroŭskim dakazvali, čym siłaviki karyśniejšyja za prahramistaŭ, nie abyšłosia bieź isteryki
U prahramu «Azaronak napramuju» da adyjoznaha prapahandysta Ryhora Azaronka pryjšoŭ jahony kaleha Piotra Piatroŭski. Razam jany parazvažali adnosna taho, čamu ad prahramistaŭ režymu tołku nijakaha niama, a ad siłavikoŭ — jašče jaki. Usio tamu, što pieršyja, u adroźnieńnie ad druhich, ničoha nie stvarajuć, a da taho ž i «zaviazanyja na hetuju zachodniuju mientalnaść, upadnickuju mientalnaść».
Piatroŭski pryznaŭ pamyłkaj imknieńnie da 2020 hoda «pichać u kožnuju ščylinu ajcišnika jak hieroja, da jakoha treba imknucca». Bo, pavodle jaho, toje, što było ŭ Biełarusi, heta prosta «aŭtsors, jaki pracavaŭ na transnacyjanalny kapitał i nie mieŭ navukajomistaści».
Maŭlaŭ, z-za hetaha ajcišniki ź Biełarusi ŭsie i paraźbiahalisia, bo išli ŭ śfieru za zarobkam, a nie dziela taho, kab niešta vynachodzić. Ani biełaruskich ajfonaŭ, ani kampjutaraŭ jany nie zrabili.
Miž tym ad ajcišnikaŭ čakali dy nie dačakalisia stvareńnia sacyjalnaj sietki, elektronnaha ŭrada, štučnaha intelektu, bieśpiłotnika, i nie aby-jakich, a «biełaruskich dziaržaŭnych». Piatroŭski staranna pryleplivaŭ hetyja dva prymietniki da kožnaha pieraličanaha praduktu.
Inšaja reč — «śpiecpadraździaleńni», jakija, maŭlaŭ, praduchilili ažno 6 sprobaŭ «majdana ŭ krainie», a siońnia padaŭlajuć sproby dyviersij i terarystyčnych aktaŭ dy abaraniajuć «suvierenitet i terytaryjalnuju cełasnaść dziaržavy». Ich stvaralny i tvorčy pačatak z ajcišnikami nijak nie paraŭnalny.
Ale kali ŭ tym, chto dla krainy karyśniejšy, pamiž udzielnikami prahramy nijakich roznahałośsiaŭ nie ŭźnikała, to dziela čaho ajcišniki takija niahiehłyja i niepatryjatyčnyja, dumki razychodzilisia. Azaronak imknuŭsia ŭsio patłumačyć tym, što jany «kruciacca pad piederastami i ŭkrainskimi nacystami», i škodziać režymu Łukašenki vyklučna za hrošy.
Piatroŭski ž bačyć i idejny čyńnik: «Asabista ŭ mianie składvajecca ŭražańnie, što heta ich idejnyja pohlady. Heta ich poh-la-dy. Jany padzialajuć pohlady hetaha levalibieralnaha dyskursu zachodniaha». I «zaviazanyja na hetuju zachodniuju mientalnaść, upadnickuju mientalnaść».
Azaronak padčas hetaha dyjałohu niekalki razoŭ źbivaŭsia na isteryčnyja vykryki, asabliva kali davodziŭ, što ajcišniki, ničoha nibyta dla krainy nie zrabiŭšy, šmat patrabavali ad maci-dziaržavy, jakaja im, maŭlaŭ, davała ŭsio.
Kamientary
Ponimaješ li, Hrišania, jeśli už ty čudak na bukvu M, to nikakije ajtišniki i iskusstviennyje intiellekty nie pomohut tiebie, Hrišania, stať dostojnym členom obŝiestva.