Ježa3838

Irłandziec teściruje biełaruskija stałoŭki. Voś jakoj ź ich prapanoŭvaje dać mišlenaŭskuju zorku 

Błohier ź Irłandyi Najł Doerci (pad nikam Irish Partizan), jaki žyvie ŭ Minsku, publikuje ŭ svaim tyktoku fud-ahlady na roznyja biełaruskija stałovyja.

Irłandski błohier. Fota: jaho sacsietki

Naprykład, videa sa stałovaj BNTU (jakuju, darečy, inšaziemiec nazyvaje svaim lubimym miescam hramadskaha charčavańnia) nabrała amal 240 tysiač prahladaŭ i 10 tysiač łajkaŭ.

Abied kaštavaŭ błohieru 9 rubloŭ 49 kapiejek.

— Big dinner! — nie biez honaru skazaŭ irłandziec i prademanstravaŭ, jakija stravy atrymałasia nabyć za hetyja nievialikija hrošy.

Jon pakaštavaŭ boršč, sałatu z harodniny, piure ź miasam, niekalki koržykaŭ (ich błohier nazyvaŭ sweet bread — sałodki chleb) i kampot. Zdajecca, studenckaja ježa jamu vielmi spadabałasia, bo vierdykt byŭ «Niejmavierna!». A paśla baršču Najł uvohule vyrašyŭ, što stałovaja BNTU zasłuhoŭvaje zorki Mišlena: «Vy płacicie vialikija hrošy za ježu ŭ prystojnym restaranie. Ale voś niejmaviernaja ježa za 9 rubloŭ 49 kapiejek».

@irishpartizan #food #belarus ♬ original sound - Irish Partizan

Nie ŭsie kamientatary padzialajuć jaho aptymizm: «Pamiataju, jak mnie tam mianiali sup z prusakom na sup biez prusaka — ale ŭsio roŭna toj, dzie hety prusak varyŭsia», «Kali ja tam vučyŭsia, to nazyvaŭ hetuju stałovuju Buchienvald. Tam ja ŭpieršyniu znajšoŭ prusaka ŭ kašy», «O, Buchienvald. Pamiataju siabar uziaŭ boršč, a tam hałava šproty płavała».

A heta porcyja ŭ inšaj stałoŭcy — pry Biełaruskim dziaržaŭnym ekanamičnym univiersitecie. Skrynšot videa ŭ tyktoku Irish Partizan

U stałovaj «Nalibaki» błohier uziaŭ sup-piure, bulbu sa śvininaj hryl, sałatu i kampot. A zapłaciŭ 10 rubloŭ 68 kapiejek. Tut jon byŭ bolš strymany ŭ adznakach, ale adznačyŭ: «Very nice» («Vielmi miła»).

@irishpartizan #Belarus #food #cuisine ♬ original sound - Irish Partizan

Pabyvaŭ inšaziemiec i ŭ stałovaj Biełaruskaha dziaržaŭnaha ŭniviersiteta infarmatyki i radyjoelektroniki № 1. Tut jon vyrašyŭ pakaštavać kurynuju katletu z bulbaj fry, sałatu z buraka i višniovy kampot. Treba adznačyć uzrovień absłuhoŭvańnia: žančyna nie vielmi vietliva adreahavała na prośbu padahreć ježu. Irłandziec addaŭ za abied 5 rubloŭ 27 kapiejek. Adna z kamientatarak paraiła błohieru źjeździć u Hrodna ŭ Hrodzienski dziaržaŭny miedycynski ŭniviersitet i pakaštavać rybnyja tefteli — kaža, što heta sapraŭdny šedeŭr.

@irishpartizan #Belarus #food ♬ original sound - Irish Partizan

Jašče adnym miescam, jakoje zateściŭ Najł, stała stałovaja ŭ Minsku na vulicy Krasnaj. Jon pačastavaŭsia fasolevym supam, makaronaj z rybnymi teftelami i dźviuma šklankami kampotu. Na kasie zapłaciŭ 7 rubloŭ 78 kapiejek. Ale kamientavać ježy nie staŭ.

@irishpartizan Food O'Clock. #belarus #minsk #food ♬ original sound - Irish Partizan

U stałovaj na vulicy Kupreviča inšaziemiec nabyŭ salanku, piure z katletaj sa śvininy, sok. Tut rachunak akazaŭsia samym vialikim — 14 rubloŭ 50 kapiejek. Miarkujučy z kamientaroŭ błohiera, ježa jamu pryjšłasia daspadoby.

@irishpartizan Belarusian cuisine #stołovaja #food #belarus ♬ original sound - Irish Partizan

Adnojčy Irish Partizan razam ź siabram adpraviŭsia na Homielščynu i tam zazirnuŭ u stałovuju ŭ ahraharadku Uryckaje. Na 8 rubloŭ jon uziaŭ čatyry hałubcy, sałatu z buraka, harbatu.

@irishpartizan Belarusian cuisine in Uritskoye, #Gomel #Belarus ♬ original sound - Irish Partizan

— Kali vy chočacie pajeści sapraŭdy smačnuju, chatniuju ježu, prychodźcie ŭ takija miescy, jak heta, «kałhas», — raić mužčyna na anhlijskaj movie. Darečy, interjer stałovaj (jakaja vyhladaje davoli typova dla biełaruskaha abjekta hramadskaha charčavańnia) jamu taksama padabajecca.

Kamientary38

  • hierdzień
    21.10.2023
    ja sumuju za miažoju pa našych stałoŭkach
  • IMIA
    21.10.2023
    hierdzień , idzi pracavać na narmalnaje pradpryjemstva, i buduć tabie stałoŭki. I nie našmat daražej za BNTU. Tolki zarablać budzieš razoŭ u 5-10 bolš.
    Ščyra kažučy, hety nabor pa biełaruskich mierkach musiŭ by kaštavać nie bolej za 2 jeŭra.
  • Bahdan
    21.10.2023
    Vy nie dali kantekst, a darma. Hety “błohier” ź Irłandyi piepakanany ideałahičny vatnik, mienavita tamu pryjechaŭ žyć u Biełaruś padčas kovid.

    Vy b jašče padborku dopisaŭ Bondaravaj zrabili.

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž7

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →