Alaksandr Łukašenka na sustrečy z Machamadam Machbieram zajaviŭ, što Biełaruś i Iran pavinny ščylniej pracavać adno z adnym, paviedamlaje BiełTA.
«Vy viedajecie situacyju, u jakoj znachodzicca Biełaruś. Heta prykładna taja ž situacyja, u jakoj znachodziciesia i vy. Cisk, jaki akazvajecca na našy dziaržavy, biesprecedentny, ale vy ŭžo navučylisia ŭ niejkaj stupieni hetamu supraćstajać, i vaš dośvied dla nas vielmi važny. Što mianie ŭvieś čas ździŭlaje — što padčas hetych maštabnych akcyj [pratestu] za hety pieryjad Iran nikolki nie źniziŭ svajho ŭzroŭniu raźvićcia, a, naadvarot, značna, dadaŭ», — skazaŭ Łukašenka.
Jon vykazaŭ dumku, što biełaruskaj i iranskaj biurakratyi treba navučycca vielmi apieratyŭna pracavać.
«Kali my pra niešta damovilisia, heta pavinna być vykanana ŭ termin. Samaje hałoŭnaje dla nas — heta nie sankcyi i cisk, a čas. I čas hety stracić u vyniku biurakratyčnych pieraškod ni ŭ jakim razie nielha», — padkreśliŭ Łukašenka.
Jon byŭ ź vizitam u Iranie ŭ siaredzinie sakavika.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary