Niekatorych biełarusaŭ aryštoŭvajuć prosta pry padačy na polskija vizy — Wyborcza
Pavodle krynic polskaj haziety, užo viadoma niekalki vypadkaŭ, kali siłaviki brali ludziej u vizavych centrach.
Hazieta Wyborcza sa spasyłkaj na svaju krynicu dniami paviedamiła, što ŭ Biełarusi niekatorych prośbitaŭ polskich viz aryštoŭvali supracoŭniki Kamiteta dziaržaŭnaj biaśpieki. Pa jaje infarmacyi, adbyvałasia heta biespasiarednie ŭ vizavych centrach.
«Niekatorych biełarusaŭ, jakija ŭdzielničali ŭ pratestach i potym sprabavali źjechać u Polšču, u vizavych centrach čakała pastka.
Zdarałasia tak, što ludzi prychodzili pa hatovyja vizy i dakumienty, i ich adrazu zatrymlivali supracoŭniki KDB. Zamiest Polščy hetyja ludzi jechali ŭ turmu», — zajaviła krynica polskaj haziety Wyborcza na ŭmovach ananimnaści.
Pa kamientar nakont hetaj temy vydańnie źviarnułasia da biełaruskaha abjadnańnia byłych siłavikoŭ «Biełpoł».
Polskich žurnalistaŭ cikaviła, ci zamiašanaja ŭ hetych zatrymańniach indyjskaja kampanija-pasiarednik VFS Global, jakaja ŭ 2021 hodzie paśla značnaha skaračeńnia ŭ Biełarusi dypłamatyčnaj prysutnaści Polščy atrymała faktyčnuju manapoliju na vydaču polskich viz biełarusam.
«Supracoŭnictva VFS Global ź biełaruskim režymam nie vyklučana. U Biełarusi ciapier dziejničaje «ličbavaje hiestapa». Praz struktury režymu prachodziać usie danyja karystalnikaŭ i ich mahčymych vorahaŭ, a kožnaja kampanija pavinna pa lubym zapycie śpiecsłužb dzialicca poŭnym naboram infarmacyi pra svaich klijentaŭ. Tamu na luboha, chto padaje dakumienty na vizy, u tym liku i polskija, źviartajuć uvahu», — raspaviała kamanda «Biełpoł» žurnalistam haziety Wyborcza.
Vydańnie adznačaje, što VFS Global daŭno sutykajecca z padazreńniami nakont svajho supracoŭnictva sa śpiecsłužbami aŭtarytarnych krain, asabliva Biełarusi.
Kampanija, pa infarmacyi mnohich bujnych polskich miedyja, taksama zamiašanaja ŭ niadaŭnim «vizavym skandale» ŭ Polščy, kali vykryłasia jaje rola ŭ maštabnych machinacyjach niekatorych polskich čynoŭnikaŭ pa pryciahnieńni ŭ krainu pracoŭnych mihrantaŭ ź Blizkaha Uschodu i Azii.
Ani kampanija VFS Global, ani MZS Polščy na zapyty Wyborcza prakamientavać situacyju z zatrymańniami prośbitaŭ viz u Biełarusi nie adkazali.
Jašče pa temie atrymańnia polskich viz u Biełarusi:
Biełarusy raskazvajuć, jak polskija konsulstvy admaŭlajuć im u vizach
Apytańnie: 45% biełarusaŭ, jakija źjechali ŭ Polšču, płanujuć tam zastacca
Ci adbiare Polšča humanitarnuju vizu abo humanitarny DNŽ, kali čałaviek pajedzie ŭ Biełaruś?
MZS Polščy nie budzie razryvać damovu ź vizavym ahienctvam u Biełarusi
-
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju
-
«Kab być ź fizičnym śvietam na ty». Žurnalist Hałko, pierabraŭšysia z Ukrainy ŭ Polšču, pajšoŭ pracavać na stajniu
-
Biełarus zdoleŭ pierakanać sud, što jaho pryznali pahrozaj dla biaśpieki Polščy biespadstaŭna
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju26
Kamientary