«Praź niekalki chvilin vahon pranizali kryki Ahurbaš». Prapahandysty źviarnuli ŭvahu na pieśni ŭ ciahnikach
Prapahandyst Juryj Uvaraŭ aburyŭsia, što ŭ ciahnikach dahetul hučać pieśni Anžaliki Ahurbaš.
Uvaraŭ u svaim kanale raspavioŭ, jak jechaŭ ciahnikom Hrodna — Homiel.
«Praź niekalki chvilin vahon pranizali kryki Ahurbaš», — piša Uvaraŭ.
Jon heta biez uvahi nie pakinuŭ i «zaprasiŭ načalnicu ciahnika».
Vyśvietliłasia, što ŭ ciahniku pieśniu na žadańnie nie pastaviš.
«Taja raźviała rukami: «Repiertuar padbirajem nie my, nam dajuć fłešku dla radyjovuzła». Cikaŭlusia, chto składaje repiertuar. Akazvajecca, Baranavickaje adździaleńnie Biełaruskaj čyhunki. Bečebiesy nijak nie sucišacca.
Kolki praklonaŭ hetaja śpiavačka rotam praviščała ŭ adras našaha prezidenta! A ciapier jaje niechta vyrašyŭ uklučyć u repiertuar radyjovuzłoŭ ciahnikoŭ!» — nie škaduje kličnikaŭ Uvaraŭ.
Jon daje kantakty ŭ dopisie Baranavickaha adździaleńnia čyhunki — maŭlaŭ, «nie hrech zadać pytańnie kiraŭniku adździaleńnia».
Miž tym, inšyja jabaćki aburajucca, što pieśni Ahurbaš śpiavajuć ludzi, niedastojnyja vykonvać takija «patryjatyčnyja pieśni».
Bajpoł nazvaŭ imiony mahčymych zabojcaŭ Andreja Zielcara. I zajaviŭ, što siłavika «Nirvanu» zastreliŭ svoj ža6
Kamientary