Mierkavańni1111

«Ciažka być dziaržaŭnym prapahandystam, davodzicca pisać adkrytuju łuchtu i dzič»

«SB-Biełaruś siehodnia», prezidenckaja hazieta, samy masavy dziaržaŭny rupar prapahandy, siońnia ranicaj ździviła mianie pytańniem: «čto sposobstvujet prievraŝieniju Orši v mołodiežnyj horod?» — piša ŭ fejsbuku redaktar sajta orsha.eu Ihar Kaźmiarčak. Pračytaŭšy ŭvieś artykuł, jon navat spačuvaje dziaržaŭnym prapahandystam, jakim vielmi ciažka pracavać.

Pakolki ja šmat hadoŭ zajmajusia moładzievymi hramadskimi arhanizacyjami mienavita ŭ Oršy, mianie hetaje pytańnie ździviła. Palez šukać na staronkach sajta «SB» adkaz na jaho.

I zrazumieŭ, nakolki ciažka być dziaržaŭnym prapahandystam. Nakolki davodzicca pisać adkrytuju łuchtu i dzič, kab padniać nastroj i stvaryć uražańnie prahresu.

My dziesiacihodździami kryčali: talenavitaja moładź z rehijona źjazdžaje, a kab nie źjazdžała, treba jak minimum svoj univiersitet. Jak maksimum — univiersitet i raźvitaja infrastruktura baŭleńnia volnaha času. Jakuju ideołahi metanakiravana źniščali z hodu ŭ hod.

Dyk voś, kab pakazać, što Orša pieratvarajecca ŭ maładziožny horad, jany apisali adnu (!!!) maładuju rabotnicu lnokambinata. Kapiec! Moładź praćvitaje!!!

Dadam, što lnokambinat, jaki vielmi pryhoža apisała hazieta — heta stratnaje pradpryjemstva, stratnaje dziesiacihodździami. Za 10 apošnich hod jon atrymaŭ i biespaśpiachova patraciŭ 200 miljonaŭ dalaraŭ!

I chacia ŭ mianie niama danych za 2022-2023 hod (ich stała šukać składana paśla 2020), vidavočna, što lnokambinat tak i zastaŭsia stratnym. I hetamu jany prapanujuć radavacca i na prykładzie hetaha pradpryjemstva jany chočuć pakazać, što Orša pieratvarajecca ŭ moładzievy horad.

Jašče bolš ździviŭ pačatak inšaj častki artykuła: «Oršanskij rajon nie zria nazyvajut žitniciej Vitiebskoj obłasti». A ja ź dziacinstva čuŭ: «Maleńki Čykaha», «Biełaruski Čykaha», «Orša — dźvie turmy, nivodnaha teatra».

Dzie? U jakich subkulturach, u jakich tusoŭkach, u jakoj litaratury choć adzin raz nazvali Aršanski rajon žytnicaj? Dzie jany heta pryśnili?

I heta pry tym, što dachod ad raślinavodstva ŭ Aršanskim rajonie składaje 1,5% (danyja, pa-mojmu, za 2017 hod, i naŭrad ci jany źmianilisia). To-bok sielanin pasiejaŭ viasnoj ziernia na 100 rubloŭ, a vosieńniu pradaŭ uradžaj i atrymaŭ 101 rubiel 50 kapiejek. Za čas ad viasny da vosieni hetyja hrošy źjadaje inflacyja i źjadaje navat bolš. To-bok «žytnica Viciebskaj vobłaści» pracuje na straty.

Nu, i apošniaje. Kali ŭ rehijonie sapraŭdy jość moładź, to jana naradžaje, razmnažajecca. Źmianšajecca kolkaść nasielnictva tam, dzie nasielnictva stareje.

Davajcie pahladzim statystyku pa Oršy pavodle aficyjnych danych: 2006 hod — 120 566 aršancaŭ, 2016 hod — 116 552, 2018 hod — 115 052, 2020 hod — 108 100, 2023 hod — 103 658. Takimi tempami jašče praz paru hod Orša pierastanie być stotysiačnym horadam.

Dyk «čto sposobstvujet prievraŝieniju Orši v mołodiežnyj horod»? Zdajecca, prapahandystam treba jašče raz padumać nad hetym pytańniem. Bo ahromnisty artykuł u samaj masavaj haziecie krainy vyhladaje nie pierakanaŭčym.

Kamientary11

  • ew
    03.10.2023
    niech..r čitať vsiakuju chr.. . osobienno po utram....
    Massovaja - da vy sami ljetie na mielnicu propahandy. Kakaja ona massovaja???? KTO jeje čitajet????? 
  • Je Ch-P
    03.10.2023
    Krik duši, koniečno, chorošij. No v novostiach chotiełoś by mieńšie kommientarijev o zazierkalje propahandistov. S nim i tak vsio davno poniatno.
  • daviedka
    03.10.2023
    Jeŝio bolšie zapołniat mołodiožju miestnyje oršanskije kołonii, tak i prievratiat v mołodiožnyj horod Oršu.

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?8

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Usie naviny →
Usie naviny

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

Ryžankoŭ: Biełaruś hatova da dyjałohu z Polščaj pa situacyi na miažy19

U załatoj bucy na Jeŭra-2024 adrazu niekalki ŭładalnikaŭ

Jak adroźnivajucca ŭmovy pracy dla IP u Biełarusi i Litvie? 1

Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel2

Arhiencina vyjhrała Kubak Amieryki pa futbole — i heta taksama rekord

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask30

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

bolš čytanych navin
bolš łajkanych navin

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?8

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Hałoŭnaje
Usie naviny →