Hramadstva55

Prapała suviaź z adnym z «rejkavych partyzan». Svajaki źniavolenaha aścierahajucca najhoršaha

Užo bolš za dva miesiacy Dźmitryj Dzikun, brat palitviaźnia Dzianisa Dzikuna, nie moža atrymać infarmacyju pra stan svajaka.

Dzianis Dzikun
Fota: sacsietki

Da aryštu Dzianis Dzikun raźvivaŭ pryvatny biznes — nievialikuju kramu ŭ Śvietłahorsku, a ŭ volny čas zachaplaŭsia futbołam. Kali pačałasia vajna, chłopiec nie zmoh zastacca ŭbaku: sumiesna sa svajakami jon vyrašyŭ pieraškodzić rasijskaj ahresii.

Žyćcio Dzianisa źmianiłasia 4 sakavika 2022: jaho zatrymali za padpał relejnaj šafy na čyhunačnym pierahonie Žerdź — Astankavičy.

Stancyja Žerdź
Stancyja Žerdź, dzie «rejkavyja partyzany» ŭčynili dyviersiju. Fota: railwayz.info

Jak adznačaŭ SK, u vyniku dziejańniaŭ «rejkavaha partyzana» śviatłafory i strełačnyja pieravody na hetym napramku byli pryviedzieny ŭ niepracoŭny stan, što ŭskładniła pierakidku rasijskaj vajennaj techniki ŭ Žytomirskuju vobłaść Ukrainy. Chłopca asudzili pa čatyroch artykułach Kryminalnaha kodeksa da 23 hadoŭ źniavoleńnia ŭ kałonii ŭzmocnienaha režymu. 

Nieŭzabavie palitviaźnia etapavali ŭ horackuju papraŭčuju kałoniju № 9, dzie jaho adrazu źmiaścili ŭ štrafny izalatar. Paśla zakančeńnia terminu Dzianisa pieraviali ŭ atrad, ale potym znoŭ adpravili ŭ ŠIZA. 21 červienia 2023 hoda chłopiec apynuŭsia ŭ pamiaškańni kamiernaha typu — PKT.

Praź miesiac suviaź ź Dzianisam pierarvałasia. Niezadoŭha da hetaha jon skardziŭsia bratu na drennaje samaadčuvańnie. «U minułym u Dzianisa było niekalki apieracyj na lohkich — z-za ŭźnikłaha pnieŭmatoraksa. Ja bajusia, što heta mahło paŭtarycca i ŭ kałonii» — kaža Źmicier.

Ciapier svajak sprabuje dabicca źviestak ab losie brata — pakul biezvynikova.

Kamientary5

  • Durak
    26.09.2023
    mikola, tiebia zadušat
  • O_o
    26.09.2023
    mikola. Pa paszkodžanym rejkam ciahnik nie jedzie.
  • mikola
    26.09.2023
    O_o, / Vjadoma ni Edze ! Adrazu valica na bok...Pad adkos...Ja b  getyh *partyzan* za adno *mesca* vesau ! Znaisli zabavu !  Zahacelasja adrenalinu-ehaice vajavac !

Dar‘ja Łosik vyjšła na svabodu pa pamiłavańni12

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž6

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni12

Dar‘ja Łosik vyjšła na svabodu pa pamiłavańni

Hałoŭnaje
Usie naviny →