MZS Biełarusi prakamientavała zakryćcio Łatvijaj punkta propusku na miažy
Rašeńnie łatvijskaha boku ab zakryćci punkta propusku «Silenie» (sumiežny — «Urbany») — «čarhovy adkryta niedružalubny palityzavany krok», havorycca ŭ kamientary pres-słužby Ministerstva zamiežnych spraŭ Respubliki Biełaruś.
MZS Biełarusi stavić pad sumnieŭ tłumačeńni łatvijskaha boku nakont zakryćcia pamiežnaha punkta.
«Niazhrabnyja sproby aficyjnaj Ryhi abhruntavać jaho intaresami ŭmacavańnia achovy miažy nie vytrymlivajuć nijakaj krytyki. Vidavočna, što nielehalnyja mihranty nie karystajucca aficyjnymi punktami propusku. A niekalki dziasiatkaŭ vyzvalenych pry hetym aficeraŭ łatvijskaj pamiežnaj słužby naŭrad ci zdolnyja kardynalna ŭzmacnić achovu miažy. Padobna da taho, što dadzienaje rašeńnie było ŭzhodniena jašče ŭ chodzie narady ministraŭ unutranych spraŭ krain Bałtyi i Polščy ŭ kancy žniŭnia 2023 h. u Varšavie», — havorycca ŭ pres-relizie.
MZS Biełarusi zaklikaje Łatviju prajavić kłopat pra svaich hramadzian.
«My nie pačuli ad łatvijskich palitykaŭ ani słova ab uliku intaresaŭ ułasnych hramadzian, pradkazalnym roście čerhaŭ aŭtatranspartu na miažy, adčuvalnych stratach dla biznesu. Chiba heta maje niejkaje značeńnie, kali ŭžo pra ŭsio damovilisia ŭ Varšavie?» — narakaje biełaruskaje MZS.
MZS abiacaje, što «Biełaruś adreahuje na niematyvavanuju błakadu hruzavych i pasažyrskich patokaŭ, u tym liku kankretnymi ekanamičnymi mierami».
«Razam z tym biełaruski bok pa-raniejšamu adkryty dla narmalnaha ŭzajemadziejańnia pa linii kampietentnych viedamstvaŭ <…> Zaklikajem ułady sumiežnaj dziaržavy admovicca ad destruktyŭnaj praktyki nieabhruntavanych abvinavačvańniaŭ i viarnucca da raŭnapraŭnaha ŭzajemapavažlivaha dyjałohu z metaj sumiesnaha vyrašeńnia hłabalnaj prablemy mihracyi», — havorycca ŭ paviedamleńni.
Z metaŭ biaśpieki Łatvija vyrašyła zakryć adzin z dvuch pamiežnych kantrolna-prapusknych punktaŭ — «Silenie» (ź biełaruskaha boku «Urbany») 19 vieraśnia. Ciapier lehalna pierasiekčy miažu ź Biełaruśsiu možna tolki praz KPP «Paternijeki» («Hryharoŭščyna»).
Hajdukievič uziaŭ novy ŭzrovień chamstva — prapanavaŭ znajści žančyn, jakija aceniać, ci jaho člen byŭ na dykpiku23
Kamientary