U Maładziečnie niečaha stali mierci hałuby. I nichto nie viedaje pryčyny
U maładziečanskim parku Pieramohi žychary horada ŭžo dva tydni zaŭvažajuć miortvych hałuboŭ. Pieršy raz pra heta vydańnie Kraj.by pisała 15 vieraśnia, ale praz amal tydzień paśla taho situacyja nie pamianiałasia.
Isnuje niekalki viersij pryčyny moru, jaki achapiŭ hetych ptušak. Tak, arnitołah Alaksandr Vinčeŭski kaža, što tut nie vyklučanyja jak śviadomyja dziejańni niejkaha mańjaka-atrutnika, tak i toje, što hałuboŭ bjuć varony.
Kiraŭnictva parku raniej kazała, što zahinułych ptušak prybirali i chavali, ale ich u parku ŭsio adno praciahvajuć znachodzić, prytym u roznych miescach.
U Maładziečanskaj rajonnaj inśpiekcyi pryrodnych resursaŭ i achovy navakolnaha asiarodździa paviedamili, što ab prablemie moru hałuboŭ u Maładziečnie ŭžo viedajuć u Minskim abłasnym kamitecie pryrodnych resursaŭ i achovy navakolnaha asiarodździa, a milicyja pavinna šukać, chto ich trucić.
U pryjomnaj ža abłasnoha kamiteta paviedamili, što takaja prablema pavinna vyrašacca na ŭzroŭni miascovaha rajvykankama. Abłasny kamitet, maŭlaŭ, pakul nie ŭmiešvajecca, bo mor hałuboŭ u parku na hety momant nie źjaŭlajecca ekałahičnym biedstvam. I paraili źviarnucca ŭ miascovuju vieterynarnuju stancyju.
Namieśnik hałoŭnaha lekara Maładziečanskaj rajonnaj vieterynarnaj stancyi Arciom Astroŭski 21 vieraśnia paviedamiŭ Kraj.by:
«My daviedalisia pra fakt moru hałuboŭ učora. Zaŭtra, 22 vieraśnia, adpraŭlajem u Minsk na ekśpiertyzu mašynu ź bijałahičnym materyjałam zahinułych ptušak. Ekśpiertyza budzie praviedzienaja dla taho, kab vyznačyć mahčymuju najaŭnaść virusa, kali hałuby byli chvoryja, a taksama pravieryć imaviernaść ich atručvańnia».
«Čaho tolki nam nie kažuć». Na plažy litoŭskaha kurorta znajšli zahadkavuju žyviolinu
Štohod u śviecie ad sutyknieńniaŭ z prazrystymi pavierchniami hinuć miljony ptušak. Jak im dapamahčy?
Na vadajomie pad Lachavičami adbyłasia masavaja hibiel čajek
U Mahilovie masava pamirajuć čajki. Što moža być pryčynaj? Jość niekalki viersij
Łukašenka zaprasiŭ u Biełaruś słavackaha premjera Ficu3
Kamientary