Stali viadomyja imiony piaci vyzvalenych palitviaźniaŭ — ich prymusili začytać u filmie ANT palityčnuju zajavu
Imiony vyzvalenych palitviaźniaŭ nazvali ŭ efiry ANT: Uładzimir Bałciankoŭ, Siarhiej Čekiel, Alaksandr Łahuta, Arciom Pucienič i Uładzimir Apanovič.
Vyhladaje, što ŭmovaj vyzvaleńnia kožnaha ź ich było vystupleńnie ŭ efiry dziaržaŭnaha telebačańnia z zajavaj pra toje, što jany buduć padavać pazoŭ u Jeŭrapiejski sud pa pravach čałavieka suprać pravaabaroncaŭ, jakija «raskryli ich piersanalnyja źviestki» — a mienavita pryznali palitviaźniami.
Uładzimiru Bałciankovu 26 hadoŭ, jon z Kobryna. 16 studzienia 2023 hoda ŭ sudzie Kobrynskaha rajona mužčynu asudzili pa č. 1 art. 368 Kryminalnaha kodeksa (abraza Łukašenki) da troch hadoŭ «chimii». 3 lutaha 2023 hoda MUS uklučyła jaho ŭ «śpis ekstremistaŭ».
Siarhieju Čekielu 39 hadoŭ, jon z Hrodna. Asudžany byŭ sudom Kastryčnickaha rajona horada Hrodna 29 studzienia 2024 hoda pa art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich), prysud suda zastavaŭsia nieviadomy. 19 krasavika 2024 hoda byŭ uklučany MUS u «śpis ekstremistaŭ».
Alaksandru Łahutu 42 hady, jon sa Słonima. Asudžany byŭ sudom Słonima i Słonimskaha rajona 25 maja 2023 hoda pa č. 1 art. 367 Kryminalnaha kodeksa (paklop na Łukašenku) da dvuch z pałovaj hadoŭ «chimii». Adbyvać pakarańnie pačaŭ z 18 vieraśnia 2023 hoda, da taho pierad sudom z 9 śniežnia 2022 hoda pa 23 sakavika 2023 hoda znachodziŭsia pad vartaj, a paśla byŭ vyzvaleny pad zakład. 18 žniŭnia 2023 hoda byŭ uklučany MUS u «śpis ekstremistaŭ».
Arciomu Pucieniču 22 hady, jon sa Žłobina. Asudžany byŭ sudom Žłobinskaha rajona 26 červienia 2023 hoda pa art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich), prysud suda zastavaŭsia nieviadomy. 22 vieraśnia 2023 hoda byŭ uklučany MUS u «śpis ekstremistaŭ».
Uładzimir Apanovič z Vaŭkavyska. Asudžany byŭ sudom Vaŭkavyskaha rajona ŭ studzieni 2024 hoda pa art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich) razam ź inšymi 9-ciu mužčynami, prysud suda zastavaŭsia nieviadomy.
Prapahandysty zajavili pra razhrom sietki salidarnaści i aryšt jaje ŭdzielnikaŭ5
Kamientary
Buduć aficyjna zafiksavanyja proźviščy, artykuły, terminy i inšyja akaličnaści spravy.