Pryznačyli sud nad śviatarom Andžejem Juchnievičam, zamiest palityki abvinavačvajuć u piedafilii
Źniavolenaha probašča katalickaj parafii ŭ Šumilinie Andžeja Juchnieviča pačnuć sudzić 27 śniežnia pa niečakanych abvinavačvańniach. Pieršapačatkova jaho zatrymlivali pa palityčnych artykułach, ale paśla vierniki paviedamlali pra cisk na jaho i pahrozu sfabrykavanaj spravaj. U vyniku abvinavačvańni buduć niepalityčnymi, piša Katolik.life.
Andžej Juchnievič. Fota: katolik.life
Ajca Andžeja Juchnieviča pieršapačatkova zatrymlivali pa palityčnych administracyjnych artykułach i trymali bolš za 55 sutak u izalatary ŭ ciažkich umovach. Jaho niekalki razoŭ zapar sudzili i praciahvali aryšt.
Zatym suprać śviatara zaviali kryminalnuju spravu, ale pa jakim abvinavačvańni, nie było viadoma.
Tolki ciapier, kali pryznačyli sud, vyśvietliłasia, što probašča abvinavačvajuć adrazu pa troch artykułach, ale «palityčnych» siarod ich niama. Heta artykuły, jakija tyčacca pałavych adnosin ź niepaŭnaletnimi, pa ich praduhledžana ad 5 da 13 hadoŭ pazbaŭleńnia voli.
Raniej vierniki kazali pra toje, što śviataru pahražali z-za jaho pryncypovaj pazicyi sfalsifikavanaj spravaj ab złačynstvach suprać sieksualnaj niedatykalnaści niepaŭnaletnich.
Pra ciapierašni stan śviatara viadoma mała — listy ad jaho viernikam pierastali prapuskać. Tyja, chto blizka znajomyja z ajcom Andžejem, zapeŭnivajuć, što jon nie moh ździejśnić tych złačynstvaŭ, jakija jamu inkryminavali, i ličać, što sprava sfabrykavana.
Miascovyja vierniki taksama adhukajucca pra śviatara tolki pazityŭna i nie vierać u abvinavačańnie. Jany havorać, što pavodziny ajca Andžeja nikoli nie śviedčyli pra toje, što jon schilny da padobnych złačynstvaŭ.
Viciebskaja kuryja pakul ničoha nie paviedamlała adnosna spravy ŭ dačynieńni šumilinskaha probašča. Praces budzie prachodzić u zakrytym režymie. Nakolki viadoma, heta pieršy ŭ historyi Biełarusi sud pa abvinavačańni katalickaha śviatara ŭ piedafilii.
Tadevuš Kandrusievič i Uładzisłaŭ Zavalniuk naviedali parafiju źniavolenaha ksiandza Juchnieviča
Ksiandzu Andžeju Juchnieviču pahražajuć fejkavymi abvinavačańniami ŭ piedafilii
Ksiondz Andžej Juchnievič: Mianie mohuć za heta sudzić, ale ja chaču publična vykazać salidarnaść z bratami-ŭkraincami
«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča
«Śvietły, Božy čałaviek». Čamu ŭłady nakinulisia na śviatara Juchnieviča z Šumilina
Katalicki śviatar Pavieł Lemiech źjechaŭ ź Biełarusi
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary