Źnikły čatyry dni tamu na Kamčatcy samalot An-2 znojdzieny. Ludzi žyvyja
Ekipaž samalota, jaki źnik čatyry dni tamu na Kamčatcy, vyžyŭ. Zapasy ježy i paliva padychodzili da kanca, ale ich paśpieli vyratavać.
Samalot An-2 znajšli siońnia rankam na Kamčatcy ŭ rajonie hary Tundravaja. Jon čatyry dni prastajaŭ u zaśniežanaj miascovaści.
Bort naležyć pryvatnaj kampanii, na rejsie pieravozili pradukty i zapčastki dla zołatazdabytčykaŭ.
An-2 doŭha nie mahli znajści z-za ŭmoŭ nadvorja.
Try čałavieki, jakija lacieli na źnikłym na Kamčatcy An-2, znojdzieny žyvymi, siarod ich 2 piłoty. U mužčyn byŭ zapas ježy i paliva, jakim jany abahravalisia. Ciapier jany laciać na viertalocie ŭ balnicu.
Jak piša Mash, u dzień krušeńnia z-za marozu ŭ samalota stała źnižacca chutkaść. Pry padzieńni jon pieraviarnuŭsia, tamu što byŭ pierahružany. Kab vyratavacca, ekipaž vykapaŭ jamu, tam jany palili paliva i hrelisia da pryjezdu ratavalnikaŭ.
Piłoty čuli sihnały, što ich šukajuć, ale praz drennaje nadvorje adkazać nie mahli. Tak ich znajšli ratavalniki i dastavili ŭ balnicu ź pieraachaładžeńniem. Adnamu piłotu praviaduć apieracyju — u jaho zakrytaja čerapna-mazhavaja traŭma. U druhoha — traŭma hrudziej.
Uzbudžana kryminalnaja sprava za parušeńnie pravił biaśpieki ruchu i ekspłuatacyi pavietranaha transpartu.
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda33
Kamientary