Kultura1313

«Emocyi zaškalvajuć i ŭciskajuć u fatel». U Łondanie pastavili «Dzikaje palavańnie karala Stacha»

Na scenie łondanskaha teatra «Barbikan» pastavili «Dzikaje palavańnie karala Stacha» pavodle kultavaha ramana Uładzimira Karatkieviča. U piatnicu adbyłasia suśvietnaja premjera, a žurnalist Siarhiej Padsasonny naviedaŭ pieradpremjerny pakaz, jaki taksama prajšoŭ ź vialikim pośpiecham. Svaimi ŭražańniami ad pakazu jon padzialiŭsia ŭ fejsbuku.

Fota: fejsbuk Siarhieja Padsasonnaha

«Bravo! Bravo! Słava Ukrainie! Žyvie Biełaruś!» — hučała sa sceny. — «Hierojam słava! Žyvie viečna!» — u adkaz z zały. Nacyjanalnyja ściahi i žoŭta-błakitnaja scena. Było pra palitviaźniaŭ i dziaciej, jakija stracili dom ad represij i vajny. Biełaruskaja mova hučała ŭvieś viečar: śpieŭ, dyjałohi, tekst Uładzimira Karatkieviča. Na scenie teatra Barbikan «Dzikaje palavańnie karala Stacha».

Vydatnaja praca Mikałaja Chalezina, Natalli Kalady i kamandy ŭkrainskich i biełaruskich akcioraŭ dy muzykaŭ. Suśvietnaja premjera ŭ piatnicu, ale pieradpremjerny pakaz z poŭnaj załaj, z avacyjami stojačy. Muzyka Volhi Padhajskaj bambičnaja!

Pastanoŭka miehaskładanaja technična. Akciorskaja hulnia na miažy fizičnaj vytrymki. Emocyi zaškalvajuć i ŭciskajuć u fatel, niama momantu adpačynku. Jość suviaź z nacyjanalnym falkłoram, historyjaj, kulturaj. Libreta Andreja Chadanoviča hučyć, razryvajučy na kavałki, heta Karatkievič u śpievie. A ŭsio heta kaštoŭna jašče tamu, što naša idzie ŭ śviet.

Dyryžor — vybitny Vital Aleksiajonak, jaki dziela repietycyj nalataŭ tudy-siudy amal dvaccać rejsaŭ, bo fizična žyvie i pracuje ŭ Niamieččynie. Partyi ŭkrainskich salistaŭ Andreja Bandarenki i Tamary Kalinkinaj vykananyja biezdakorna, hałasy niebyvałaj mocy i… pa-biełarusku — i to jak! Cikavaje rašeńnie z vobrazam Andreja Śvieciłoviča — žanočaja partyja.

Teatr «Barbikan». Fota: fejsbuk Siarhieja Padsasonnaha

Jon taki ŭvieś čysty, u biełym adzieńni, tamu nievypadkovy kryž z pražektaraŭ, jaki ŭznosicca nad im. Jahonaja śmierć z palotam nad scenaj (jak u Ejfmana z «Karamazavymi»), pratestami 2020 na fonie-ekranie, dzie ažyvaje vulica paśla vybaraŭ, aryja pra toje, što adychodziać lepšyja, a potym pachavańnie i charavy śpieŭ tuhi i bolu taki, što chočacca vyć, a kom ściskaje hrudzi. Heta naša historyja, naša Biełaruś, naš bol.

Hetamu papiaredničaje viačera ŭ Dubatoŭka, jakaja pakazanaja na scenie jak «Apošniaja viačera» Leanarda: achviara abranaja — pryniasuć jaje ŭ druhim akcie. A Dubatoŭk tut iłžyvy zbaŭca, Chrystos udavany. Takija ž i siońniašnija lidary, jakija tolki robiać vyhlad śviataści.

Kachańnie pieramahaje, ale paralelna ciahniecca śmierć, a «Dzikaje palavańnie» — heta zło, jakoje nie źnikaje ŭ śviecie, a tamu nie źnikaje i baraćba ź im.

Dubatoŭk hinie, ale moža ŭspłyć u novym miescy i z novaj mocaj. Tamu treba być pilnymi. Hetak hučyć finał».

Kamientary13

  • Dyryhient
    16.09.2023
    Čakajem pastanoŭku opiery ŭ Varšavie 🫶
  • teatrał
    16.09.2023
    1, ja navat i nie pajšoŭ, bo na 99% upeŭnieny što heta chałtura dla łajalnaj aŭdytoryi. Chalezin i Kalada heta biznes i palityka, nietvorkinh dy markietynh, mastactva tam 0. Vyciskajuć hrošy z kanjunktury dy suviazaŭ. 
  • Žvir
    16.09.2023
    Zajzdrošču. Nažal u maje kaardynaty vidovišča nie zavitaje...

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?3

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

Usie naviny →
Usie naviny

Chto taki Vadzim Krasikaŭ, u jakim tak zacikaŭlenaja Rasija?1

U Kałužskaj vobłaści paciarpieŭ krušeńnie viertalot Mi-28, ekipaž zahinuŭ2

Samaje poźniaje rašeńnie VAR u historyi. Hoł Arhienciny na Alimpijadzie admianili tolki praź dźvie hadziny2

Chto toj chłopiec, jaki padarvaŭ rasijskaha aficera ŭ Maskvie i byŭ aryštavany ŭ Turcyi6

Džo Bajden: Ja pieradaju estafietu novamu pakaleńniu

«Raptam nie pryjšoŭ na pracu, a praz paru dzion jaho zatrymali». Novyja padrabiaznaści pra niemca, prysudžanaha da rasstrełu ŭ Biełarusi1

U Dobrušskim rajonie aśviacili chleŭ z karovami FOTAFAKT7

Biełarus nakarmiŭ vuža rybaj i źniaŭ praces na VIDEA1

U Lachavickim rajonie mužčyna chacieŭ spalić susiedski chleŭ, dy pamyliŭsia budynkam1

bolš čytanych navin
bolš łajkanych navin

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?3

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

Hałoŭnaje
Usie naviny →