U mižnarodnaj vystavie art-škła va Urocłavie ŭdzielničaje tvor biełaruskaha mastaka Paŭła Vajnickaha
Učora va ŭrocłaŭskaj Geppart Gallery adkryłasia vystava pa vynikach Mižnarodnaha konkursu škła imia Źbihnieva Charbova (Horbowy International Glass Competition). U lik paŭsotni prac — finalistaŭ spabornictva byŭ adabrany i tvor biełaruskaha mastaka Paŭła Vajnickaha — Négritude, piša Reform.by.
Na vystavie pradstaŭleny pracy mastakoŭ, jakija raskryvajuć mahčymaści takoha materyjału, jak škło, — jak płastyčnaść, dekaratyŭnaść, aktualnaść i vobraznaść. Temy, na jakija vykazvajucca ŭ svaich pracach mastaki, — ad prapahandy da rasavych prablem.
U pryvatnaści, Négritude Paŭła Vajnickaha ŭjaŭlaje saboj nastupnuju kampazicyju: na roznakalarovych častkach kanstruktara jak na spartyŭnym pastamiencie stajać try šklanyja hałavy-formy — biełaja, čornaja i biełaja.
«Raspačaty ŭ pieršaje dziesiacihodździe XX stahodździa Négritude byŭ antykałanijalnym kulturnym i palityčnym rucham za adradžeńnie afrykanskaj kultury i ŭvohule kaštoŭnaści čarnaskurych ludziej. Usiaho stahodździe tamu było nie tak vidavočna toje, što siońnia jość aksijomaju: śviet nie naležyć vyklučna biełaskurym, usie ludzi roŭnyja. Maja praca iranična stavić pad sumnieŭ kancepcyju biełaha (kałanijalnaha i postkałanijalnaha) panavańnia», — raspavioŭ pra svoj tvor Reform.by Pavieł Vajnicki.
Konkurs imia Źbihnieva Charbova skiravany na pramocyju mastackaha škła i dyzajnu jak tradycyi rehijona Nižniaja Silezija i Urocłava. U metach arhanizataraŭ — pabudavać most pamiž historyjaj i budučyniaj praź miedyum hetaha ŭnikalnaha vidu mastactva.
Kurataram vystavy ŭ Geppart Gallery vystupiŭ doktar Marjuš Łabinski.
Łukašenka: Chto tam u Rasii viakaje na šmatviektarnaść Biełarusi i vyzvaleńnie palitviaźniaŭ?10
Kamientary