Łukašenka zajaviŭ, što hatovy da adnaŭleńnia dobrych adnosin z susiedziami, i nazvaŭ svoj pieršy krok
Łukašenka siońnia sabraŭ pasiadžeńnie Rady biaśpieki. Jano prachodzić na fonie rezkaha paharšeńnia adnosin z krainami-susiedziami i ich pahrozami całkam zakryć miežy.
Łukašenka niečakana zajaviŭ, što «my hatovy da adnaŭleńnia dobrych adnosin sa svaimi susiedziami», niahledziačy na toje, što na «ŭsie našy pasyły iduć tolki abvinavačvańni i pahrozy» z boku susiedziaŭ.
«Jak ja kazaŭ, ich nie vybirajuć. Jany ad Hospada Boha», — skazaŭ jon i dadaŭ, što hatovy da adnaŭleńnia dobrych adnosin.
«Z hetaj nahody my zaprasili pradstaŭnikoŭ Polščy ŭ jakaści naziralnikaŭ na vučeńni ADKB «Bajavoje braterstva — 2023», jakija pačnucca ŭžo zaŭtra ŭ Bresckim rehijonie», — skazaŭ jon.
U toj ža čas Łukašenka nazvaŭ nieabhruntavanymi i durnymi patrabavańni ab vyvadzie PVK «Vahnier» ź Biełarusi.
Pa jaho słovach, «kiraŭnictva Polščy i krain Bałtyi nahniataje isteryju» z nahody prysutnaści na terytoryi našaj krainy supracoŭnikaŭ pryvatnaj vajskovaj kampanii «Vahnier».
«Jany dastukalisia da taho, što ŭžo patrabujuć nieadkładnaha vyvadu ich ź Biełarusi. Pry hetym sami pavialičvajuć vajskovyja biudžety, ściahvajuć da našych miežaŭ bujnyja voinskija farmiravańni. Adkaz prosty: ni ŭ Polščy, ni ŭ Litvie, ni ŭ inšych krainach Bałtyi nie pavinna być nivodnaha zamiežnaha vajskoŭca. Tady možna i nam ahučvać pretenzii z nahody prysutnaści tut vajskoŭcaŭ ź inšych krain. A pakul heta nieabhruntavanyja i durnyja patrabavańni (navat nie prośby i prapanovy, a patrabavańni)», — skazaŭ jon.
28 žniŭnia ministry krain Bałtyi i Polščy damovilisia pra dva asnoŭnyja kryteryi, pry jakich budzie całkam zakrytaja miaža ź Biełaruśsiu.
Pa-pieršaje, uzbrojeny incydent abo incydenty la miažy adnoj z krain. Druhi kryteryj — arhanizavany masavy praryŭ nielehałaŭ. Kali budzie zafiksavany adzin z takich incydentaŭ, to pačniecca apieratyŭny abmien infarmacyjaj pamiž słužbami, i tady budzie pryniataja pastanova na ŭzroŭni ŭradaŭ, tłumačyła kiraŭnik Ministerstva ŭnutranych spraŭ Litvy Ahne Biłatajcie.
Taksama kiraŭniki MUS zapatrabavali ad režymu Łukašenki «nieadkładna vyvieści PVK «Vahnier» z terytoryi Biełarusi i prybrać nielehalnych mihrantaŭ z pamiežnaj zony».
Siłaviki ŭzialisia za karystalnikaŭ tvitara — dziasiatki akaŭntaŭ zvyčajnych biełarusaŭ stali «ekstremisckimi»5
Kamientary